ބަނގުރާ ފުޅި ތަކަކާއެކު ހުޅުމާލެއިން ބިދޭސީ ފިރިހެނަކު ހައްޔަރުކޮށްފިއެވެ.

މޯލްޑިވްސް ޕޮލިސް ސާވިސް އިން ހާމަކޮށްފައިވާ ގޮތުގައި އޭނާ ހައްޔަރުކޮށްފައިވަނީ 2024 ޖުލައި 17 ވަނަ ދުވަހު ފުލުހުން ހުޅުމާލެ ޕެޓްރޯލް ކުރަމުން ދަނިކޮށް، އޭނާގެ އަމަލުތައް ހުރި ގޮތުން އެފަދަ ކަމަކަށް ޝައްކު ކުރެވިގެން ބަލައިފާސްކުރުމަށްފަހުއެވެ.

އޭނާ ހުއްޓުވާފައިވަނީ ހުޅުމާލެ ގުލްޒާރުމާ ހިނގުމުން ނެވެ. އަދި އެއަށްފަހު އޭނާގެ ދަބަސް ބަލާފާސްކުރި އިރު އޭނާގެ އަތުން 500 މިލިލީޓަރުގެ 20 ފުޅި ފެނިފައިވާކަމަށް ފުލުހުން ވަނީ ހާމަކޮށްފައެވެ.

މި ބިދޭސީ ފަރާތުގެ ގައުމީ ނިސްބަތް ފުލުހުން ހާމަކޮށްފައެއް ނުވެއެވެ.

މި މައްސަލަ ފުލުހުން އަންނަނީ މިހާރު ތަހުގީގު ކުރަމުންނެވެ.