ރާއްޖޭގެ ސަލާމަތާއި ރައްކާތެރިކަން ކަށަވަރުކުރުމަށް ބޭނުންކުރާނެ ދެ ޑްރޯން ޔުނައިޓެޑް ނޭޝަންސް އޮފީސް އޮން ޑްރަގްސް އެންޑް ކްރައިމް (ޔޫއެންއޯޑީސީ) އިން ދިވެހި ފުލުހުންނަށް މިއަދު ހަދިޔާކޮށްފި އެވެ. މި ޑްރޯންތައް ބޭނުން ކުރާނީ ކަނޑާއި ވައިގެ ތެރޭގައި ޝޯޓް ރޭންޖް އޮޕަރޭޝަންތަކުގައި ކަމަށް ފުލުހުން ބުންޏެވެ.

މި ޑްރޯންތަކާ ރަސްމީކޮށް ހަވާލުވެ ވަޑައިގަތުމަށްފަހު ހޯމް މިނިސްޓަރު އަލީ އިހުސާނު ވިދާޅުވީ، ޑްރޯންތައް ބޭނުންކުރާނީ ފުލުހުންގެ މެރިން އޮޕަރޭޝަންސް ޑިވިޝަނުން ކަމަށެވެ.

އަދި މި ޑްރޯންތަކާއެކު ފުލުހުންގެ މަސައްކަތަށް ފަސޭހަވުމުގެ އިތުރުން، ފުލުހުންގެ ރައްކާތެރިކަން ވެސް އިތުރަށް ކަށަވަރު ވާނެ ކަމަށް މިނިސްޓަރު ވިދާޅުވިއެވެ.

ދިވެހި ސިފައިން މިހާރު ގެންދަނީ އަސްކަރީ ދެ ޑްރޯންއެއް ވެސް ބޭނުންކުރަމުންނެވެ.