Advertisement

16 Jul 2024
ޚަބަރު

ހަތިޔާރާއި މަސްތުވާތަކެތި ރާއްޖެ އެތެރެ ކުރުމަކަށް މިހާތަނަށް އެއްވެސް ހުރަހެއް ނެތް: ކަސްޓަމަސް

މޯލްޑިވްސް ކަސްޓަމްސް ސާވިސްގެ މުވައްޒަފުންގެ މަސައްކަތް ބަނދަރާ ހިސާބުން ފަށަން ޖެހުމަކީ، އެ ބަޔަކު ބޭނުންވާ އެއްޗެއް ރާއްޖެއަށް އެތެރެކުރެވޭނެ ފުރުސަތު އޮތް ކަމެއް ކަމަށް ކަސްޓަމްސް އިން މިއަދު ބުނެފިއެވެ.

ރައްޔިތުންގެ މަޖިލީހުގެ 241 ކޮމިޓީގައި ވާހަކަ ދައްކަވަމުން އެންފޯސްމަންޓް އެންޑް ބޯޑާ ސެކިއުރިޓީއާ ހަވާލުވެ ހުންނެވި، އެސިސްޓެންޓް ކޮމިޝަނަރު އޮފް ކަސްޓަމްސް އިސްމާއިލް ހަމްދޫން ވިދާޅުވީ، ކަސްޓަމްސް އޮފިސަރުންނަށް އެމީހުންގެ މަސްއޫލިއްޔަތު ފެއްޓުމުގެ ގާބިލްކަން މިހާރު އޮތީ ބަނދަރާ ހިސާބުން ކަމުގައި ވުމީ، ރާއްޖޭގެ ކަނޑުގެ ސަރަހައްދުގައި ކަސްޓަމްސްއަށް ނޭންގި ގިނަ ކަންތައްތަކެއް ހިންގުމަށޤ ހުޅުވިފައިވާ ދޮރެއް ކަމަށާއި، މިކަންކަން ހުއްޓުވޭނެ ގޮތެއް ނެތް ކަމަށެވެ.

އެގޮތުން، ރާއްޖެއިން ބޭރުން އަންނަ ބޯޓު ތަކުން މަސްތުވާތަކެތި ގެނަސް، ބައިނަލްއަގްވާމީ ބަނަދަރަށް ކައިރި ކުރުމުގެ ކުރިން މި ތަކެތި ރާއްޖޭގެ އެހެން އުޅަނދުތަކަށް ބަރުކޮށް، ނުވަތަ ޑްރަގް ޓްރެފިކްކުރުމުގެ އަމަލު ހިންގާކަމަށް ހަމްދޫން ވިދާޅުވިއެވެ. އަދި މިކަމުގައި އޮތް އެންމެ ބޮޑު ބިރުވެރި ކަމަކީ، މި މަސައްކަތް ހަމައެކަނި މަސްތުވާތަކެއްޗާ ހިސާބުން ނުނިމުންކަމަށް ވެސް އޭނާ ފާހަގަކުރެއްވިއެވެ.

"މިއީ އިންތިހާ އަށް ކަންބޮޑުވާ ކަމެއް. އޮތީ އެ މީހަކު ބޭނުންވާ ކަމަކަށް ނިޔަތް ގަތުން. މިސާލަކަށް ހަތިޔާރު ގެންނަން މީހަކު ނިޔަތް ނުގަންނަނީ. ނިޔަތް ގަނެފިއްޔާ ރާއްޖެ އަށް ހަތިޔާރު ގެނެވޭނެ މަގު އޮތީ ހުޅުވިފައި. އެ ދޮރުތަކުގެ ވާހަކަ މި ދައްކަނީ،"

241 ކޮމެޓީގައި ހަމްދޫން ވިދާޅުވި އެވެ.

ހަމްދޫން އިތުރަށް ފާހަގަކުރެއްވި ގޮތުގައި މިކަން ހުއްޓުވޭނީ، ރާއްޖޭގެ ބޯޑަރުން އެތެރެވާ ހިސާބުން ބަނދަރާ ހަމައަށް އައުމާއި ދެމެދު އެ އުޅަނދުތައް މޮނިޓަރ ކުރެވޭނެ އިންތިޒާމެއް ހަމަޖެހިގެން ކަމަށެވެ. އަދި ރާއްޖެ ފަދަ ކަނޑުގެ ސަރަހައްދު ބޮޑެތި ގައުމުތަކުގައި މިކަން ކުރަނީ ވައިގެ މަގުން މޮނިޓަރކޮށްގެންކަމަށް ވެސް އޭނާ ފާހަގަ ކުރެއްވިއެވެ.

ބޯޑަރު ބެލެހެއްޓުމުގެ މަސައްކަތް ވަރުގަދަ ކުރުމަށް އެމެރިކާ އާއި ޗައިނާ އިން ރާއްޖެ އަށް ޑްރޯން ދޭން އެއްބަސްވެފައިވާ ކަމަށް ކޮމިޝަނާ ޖެނަރަލް އޮފް ކަސްޓަމްސް ޔޫސުފް މާނިއު މުހައްމަދު ވަނީ 241 ކޮމިޓީގެ ބައްދަލުވުމުގައި މިއަދު ވިދާޅުވެފައެވެ. އަދި އެ ޑްރޯންތައް އޮޕަރޭޓް ކުރާނީ އެމްއެންޑީއެފްގައި އަލަށް އުފެއްދި އެއާކޯ އިން ކަމަށް ވެސް އޭނާ ވިދާޅުވިއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.