ސިޔާސީ މަޤާމުތަކުގެ އަދަދާއި، ސިޔާސީ މަޤާމުތަކަށް ކުރާ ހޭދަ އެނގެން ރައްޔިތުން ބޭނުންވިޔަސް، އެކަން ސަރުކާރުން ހާމަ ނުކުރަނީ ކީއްވެގެންބާއެވެ؟

މިސަރުކާރުން ސިޔާސީ މަޤާމުތަކަށް ޢައްޔަނުކޮށްފައިވާ މީހުންގެ އަދަދާއި، ސިޔާސީ މަޤާމުތަކަށާއި، ސަރުހިއްސާވާ ކުންފުނިތަކުގެ މުސާރައަށް ކުރާ ހޭދަ ހާމަކުރުމަށް ގޮވަލާ ރައްޔިތުންގެ މަޖިލީހަށް ހުށައެޅި ޤަރާރު ވެސް ވަނީ މަޖިލީހަށް ބަލައި ނުގަނެ ބޭރުކޮށްލައިފައެވެ.

ކުއްލި މައްސަލަ މަޖިލީހަށް ހުށައެޅުއްވި ސަބަބެެއް ކަމުގައި، މީކާއީލް ނަސީމް ފާހަގަކުރެއްވީ، ސަރުކާރުން އެމައުލޫމާތު ހާމަކުރުމަށް ދެކޮޅު ހަދަމުންދާ ކަމެވެ. މީޑިއާތަކުން ތަކުރާރުކޮށް ސުވާލުކޮށްގެންވެސް އަދި ރައްޔިތުންގެ މަޖިލީހުގެ ކޮމިޓީއެއްގައި ކޮމިޓީ މެމްބަރުން އެސުވާލުކޮށްގެންވެސް ސަރުކާރުން އެ މައުލޫމާތެއް ހާމަ ކޮށްފައެއް ނުވެއެވެ. އަދި މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން ފޯމް ހުށައަޅައިގެންވެސް އެމައުލޫމާތު ސަރުކާރުން ނުދިނެވެ.