Advertisement

އިމިގްރޭޝަނުން ހޯމަ ދުވަހުގެރޭ ހިންގި އޮޕަރޭޝަނުގެ ތެރެއިން، ފޮޓޯ: މޯލްޑިވްސް އިމިގްރޭޝަން

09 Jul 2024
ޚަބަރު
މިފްތާޙް މުޙައްމަދު

ރޭ މެންދަމެއްހާ އިރު އިމިގްރޭޝަނުން ހިންގި އޮޕަރޭޝަނެއްގައި ހަތަރު މީހަކު ބަންދުކޮށްފި

ގަވާއިދާއި ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް މޯލްޑިވްސް އިމިގްރޭޝަނުން ސިލްސިލާގޮތެއްގައި މިހާރު ކުރިޔަށްގެންދާ އޮޕަރޭޝަން ތަކުގައި ރޭ މެންދަމެއްހާ އިރު ހަތަރު މީހަކު ބަންދުކޮށްފިއެވެ.

އިމިގްރޭޝަނުން ހާމަކޮށްފައިވާ ގޮތުގައި އެ އޮޕަރޭޝަނަކީ މާލޭގައި ކުދި ރީޓެއިލް ވިޔަފާރިތައް ފުޅާދާއިރާއެއްގައި ހިންގަމުންދާ ބިދޭސީއަކު ހޯދުމަށް ހިންގި އޮޕަރޭޝަނެކެވެ.

އިމިގްރޭޝަންގެ އިންޓެލިޖެންސަށް ލިބިފައިވާ މައުލޫމާތުގެ އަލީގައި ހިންގާފައިވާ މި އޮޕަރޭޝަން ވަނީ ކާމިޔާބުކޮށްފައެވެ. އަދި އޮޕަރޭޝަންގައި ޓާގެޓް ކުރި ބިދޭސީ މީހާގެ އިތުރުން، އެ ފިހާރައިގައި ގަވާއިދާއި ޚިލާފަށް މަސައްކަތް ކުރަމުން ދިޔަ އިތުރު ތިން މީހަކު ވެސް ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

މި އޮޕަރޭޝަނުގައި އިމިގްރޭޝަނުގެ ބެލުމުގެ ދަށަށް ގެންދިޔަ މީހުންގެ ތެރޭގައި ހިމެނެނީ ތިން ފިރިހެނަކާއި އަންހެނެކެވެ. ނަމަވެސް މި މީހުންގެ ވަނަވަރު އިމިގްރޭޝަނުން ހާމަކޮށްފައެއް ނުވެއެވެ.

މާލެ އާއި ހުޅުމާލެ އިން މިދިޔަ ހަފުތާއެއްހާ ދުވަހުގެ ތެރޭގައި ގިނަ އަދަދެއްގެ ބިދޭސީންތަކެއް ހިފަހައްޓައި އިމިގްރޭޝަންގެ ބެލުމުގެ ދަށަށް ގެންގޮސްފައިވާއިރު ގިނަ ބައެއްގެ ކަންބޮޑުވުމަކީ، ބިދޭސީން ލައްވައި ގަވާއިދާ ހިލާފަށް ވިޔަފާރި ކުރުވައި އަދި މަސައްކަތް ކުރުވާ ދިވެހިންނާ މެދު ގާނޫނީ ފިޔަވަޅު އަޅަމުން ނުދިއުމެވެ.

މިކަމަށް އިޝާރާތް ކުރައްވައި ކޮންޓްރޯލަރ ޖެނެރަލް އޮފް އިމިގްރޭޝަން، މުޙައްމަދު ޝައްމާން ވަޙީދު އެކްސްގައި އިއްޔެ ކުރި ޕޯސްޓެއްގައި ބުނެފައިވަނީ، އެފަދަ ދިވެހީންނާއި މެދު އަޅާނެ ފިޔަވަޅުތައް އިމިގްރޭޝަންގެ ޤާނޫނުގައި ކަނޑައަޅާފައިވާކަމެވެ. އަދި އެ ޤާނޫނާއި ގާނޫނުގެ ދަށުން ހެދިފައިވާ ޤަވާއިދުތަކަށް ބޯލެނބުމަށް އިލްތިމާސްކޮށްފައިވެއެވެ.

"ޤާނޫނު ނަންބަރު: 2007/1 (ދިވެހިރާއްޖޭގެ އިމިގްރޭޝަން ޤާނޫނު) ގެ 30 ވަނަ މާއްދާގެ ދަށުށް ރާއްޖޭގައި ބިދޭސީންނާއެކު މުއާމަލާތްތައް ހިންގާ ދިވެހިން މަސައްކަތްކުރުމުގެ ހުއްދަނެތް ބިދޭސީއަކު ލައްވާ ރާއްޖޭގައި އެއްވެސް މަސައްކަތެއް ކުރުވުމަކީ ކުށެށް. އަދި އެފަދަ ފަރާތްތައް އެ ޤާނޫނުގެ 33 ވަނަ މާއްދާގެ (ށ) ގެ ދަށުން، 50,000 ރުފިޔާއަށްވުރެ ބޮޑުނޫން އަދަދަކުން ޖޫރިމަނާކޮށް އެމީހެއްގެ ޕާސްޕޯޓު ވަކިމުއްދަތަކަށް ހިފެހެއްޓުމުގެ އިހްތިޔާރު، ކޮންޓްރޯލަރ އޮފް އިމިގްރޭޝަނަށް ލިބިގެންވޭ. އަޅުގަނޑު އިލްތިމާސްކުރަނީ އެންމެހާ ފަރާތްތަކުންވެސް އިމިގްރޭޝަންގެ ޤާނޫނާއި އެ ޤާނޫނުގެ ދަށުން ހެދިފައިވާ ގަވާއިދުތަކާ އެއްގޮތަށް ޢަމަލު ކުރެއްވުމަށް."

ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝައްމާން ވަޙީދު ހޯމަ ދުވަހު އެކްސްގައި ކުރި ޕޯސްޓު

ރާއްޖޭގައި ގަވާއިދާ ހިލާފަށް މަސައްކަތްކުރާ ބިދޭސީން އަތުލައިގަންނަން މި ސަރުކާރުން ވެސް ވަރަށް ބޮޑު އިސްކަމެއް ދޭނެކަމަށް ބުނެފައިވާއިރު، ހޯމް މިނިސްޓަރު އަލީ އިހުސާން ވިދާޅުވީ، އެ ކަމަށް ފުރިހަމަ ހައްލެއް ނުލިބެނީސް ދޫނުދެއްވާނެ ކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.