މުވައްޒަފުންގެ ސިއްޙީ ދުޅަހެޔޮކަން ކަށަވަރު ކުރުމަށާއި، ރައްކާތެރި މަސައްކަތު މާހައުލެއް ބިނާ ކުރުމުގެ އުއްމީދުގައި، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އެ ކުންފުނީގެ މުވައްޒަފުންގެ ހެލްތު ސްކްރީނިން ޕްރޮގްރާމެއް ފަށައިފިއެވެ.

އިއްޔެ ފެށި މި ޕްރިގްރާމަކީ، އެ ކުންފުނީގެ އޮކިއުޕޭޝަނަލް ހެލްތު ޓީމުން އިންތިޒާމުކުރާ ޕްރޮގްރާމެކެވެ. ތިން ދުވަހުގެ މުއްދަތަށް ހިންގާ މި ޕްރޮގްރާމުގައި BMI އެސެސްމެންޓު ހެދުމާއި (މީހާގެ ބަރުދަން ހުރީ އެމީހާގެ ދިގުމިނާއި އެކަށޭނަ މިންވަރަކަށްތޯ ބެލުން)، ދަތާއި، ލޮލުގެ ފެނުން ޓެސްޓުކުރުމާއި އަދި ހަކުރު ބައްޔަށް ޓެސްޓުކުރުން ހިމެނެއެވެ.

މި ޕްރޮގްރާމުގައި އިއްޔެ ވަނީ އެ ކުންފުނީގެ ސީއީއޯ އަދި މެނޭޖިން ޑިރެކްޓަރ އިބްރާޙިމް ޝަރީފް އުމަރާއި، ކުންފުނީގެ ދެ ޑެޕިއުޓީ މެނޭޖިން ޑިރެކްޓަރުންކަމަށްވާ މުޙައްމަދު ލައްމާނާއި މުޖުތަބާ ލަތީފު ބައިވެރިވެ ވަޑައިގަންނަވާފައެވެ.

ކުންފުނީގެ ސީއީއޯ އަދި މެނޭޖިން ޑިރެކްޓަރ އިބްރާޙިމް ޝަރީފް އުމަރާއި (މ)، ކުންފުނީގެ ދެ ޑެޕިއުޓީ މެނޭޖިން ޑިރެކްޓަރުންކަމަށްވާ މުޙައްމަދު ލައްމާނާއި (ވ) މުޖުތަބާ ލަތީފު (ކ) ބައިވެރިވެ ވަޑައިގަންނަވަނީ، ފޮޓޯ: އެމްއޭސީއެލް

އެއާޕޯޓުން ހާމަކޮށްފައިވާ ގޮތުގައި މިއީ ކޮންމެ އަހަރަކު ވެސް އެ ކުންފުނީގެ މުވައްޒަފުންނަށް ހިންގަމުން އަންނަ ޕްރޮގްރާމެކެވެ.