ދިވެހިބަހުގެ ދެމިއޮތުމާއި ކުރިއެރުމުގައި އެންމެ މުހިންމު ދައުރެއް އަދާކުރަނީ ލިޔުންތެރީންކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިއަދު ފާހަގަކުރާ ދިވެހި ލިޔުންތެރިންގެ ދުވަހުގެ މުނާޞަބަތުގައި ފޮނުއްވި ސޯޝަލްމީޑިއާގައި ކުރެއްވި ޕޯސްޓްގައެވެ. މީގެ ކުރީގެ އަހަރު ތަކުގައި ދިވެހި ލިޔުންތެރިންގެ ދުވަސް ކުލަ ގަދަކޮށް ފާހަގަކުރަމުން އައެވެ.

ލިޔުންތެރިންގެ ދުވަހުގެ ގޮތުގައި، ޖުލައި 8 ވަނަ ދުވަސް ފާހަގަކުރަން ފަށާފައި ވަނީ، ދިވެހިރާއްޖޭގައި ޗާޕްކޮށްގެން ނެރުނު ފުރަތަމަ އަދަބީ މަޖައްލާ ކަމުގައިވާ"އަލްއިޞްލާޙް" ނެރެން ފެށުނު ދުވަހާއި ގުޅުވައިގެންނެނެވެ.  

މިއަހަރުގެ ލިޔުންތެރިންގެ ދުވަހުގެ ކަނޑައަޅާފައިވާ ޝިއާރަކީ "ތަހުޒީބު މުޖުތަމަޢެއް ދެމެހެއްޓުމަށް ޓަކައި ލިޔުންތެރީންގެ ދައުރު މުހިންމު!" މިއެވެ.