Advertisement

07 Jul 2024
ކޮޕާ އެމެރިކާ
މިފްތާޙް މުޙައްމަދު

އުރުގުއޭއިން ބްރެޒިލް ކަޓުވާލައި ސެމީގެ ޖާގަ ހޯދައިފި

ކޮޕާ އެމެރިކާ 2024 ގެ ކުއާޓާ ފައިނަލްގެ ފަހު މެޗުގައި ބްރެޒިލް ކަޓުވާލުމަށްފަހު، އުރުގުއޭއިން ސެމީ ފައިނަލްގެ ފަހު ޖާގަ ހޯދައިފިއެވެ.

މިއަދު ހެނދުނު ލަސްވޭގަސްގެ އެލެޖެންޓު ސްޓޭޑިއަމްގައި ބްރެޒިލް އާއި އުރުގުއޭ ބައްދަލުކުރި މެޗުގެ ފުރިހަމަ ވަގުތު ހަމަވިއިރު އެއްވެސް ޓީމަކަށް ގޯލެއް ކާމިޔާބުކުރެވިފައި ނުވުމުން، އެ މެޗުގެ ނަތީޖާ ނެރެފައި ވަނީ ޕެނަލްޓީ ޖަހައިގެންނެވެ. އުރުގުއޭއިން ޕެނަލްޓީ ޝޫޓް އައުޓް ކާމިޔާބުކޮށްފައިވަނީ 4-2 އިންނެވެ.

ސެމީ ފައިނަލުގައި އުރުގުއޭ ބައްދަލުކުރާނީ ކޮލަމްބިއާއާއެވެ. ކޮލަމްބިއާ ސެމީ ފައިނަލަށް ދަތުރުކުރީ ކުއާޓާ ފައިނަލުގައި ޕެނާމާ 5-0 އިން ބަލިކުރުމަށްފަހުއެވެ.

ސެމީ ފައިނަލުގެ އަނެއް މެޗުގައި ވާދަކުރާނީ، މުބާރާތުގެ އެންމެ ފަހުގެ ޗެމްޕިއަން އާޖެންޓީނާ އާއި ކެނަޑާއެވެ. މި މެޗު ކުޅުމަށް ހަމަޖެހިފައިވަނީ އެމެރިކާގެ ނިއު ޖާޒީގައެވެ.

ރެފްރީގެ ކަށިގަނޑުގެ ފުމުން ގިނަ މި މެޗުގައި ޖުމްލަ 41 ފައުލް ރެކޯޑު ކުރެވިފައިވެއެވެ. މިއީ މިފަހަރުގެ މުބާރާތުގައި އެންމެ ގިނަ ފައުލް ރެކޯޑު ކުރެވުނު މެޗު ވެސް މެއެވެ. މި މެޗުގައި އުރުގުއޭގެ ޑިފެންޑަރ ނަހިތާން ނަންޑޭޒަށް 74 ވަނަ މިނެޓުގައި ވަނީ ރަތް ކާޑެއް ދައްކާ ދަނޑުން ވެސް ފޮނުވާލާފައެވެ.

ސަސްޕެންސަންގައި ހުރި ވިނީސިއަސް ޖޫނިއާގެ ބަދަލުގައި ބްރެޒިލް އިން މި މެޗުގައި ބޭނުންކޮށްފައިވަނީ އުމުރުން 17 އަހަރުގެ އެންޑްރިޗްއެވެ. އެހެންކަމުން، ވިނީސިއަސް ދަނޑުމަތީގައި ނެތް ތަން ބްރެޒިލްގެ އެޓޭކުން ވަރަށް ބޮޑަށް ފެނިގެން ގޮސްފައި ވެއެވެ.

ޕެނަލްޓީ ޝޫޓްއައުޓްގައި ބްރެޒިލް ޓީމުން ޕެނަލްޓީ ކާމިޔާބު ކުރެވުނީ އެންޑްރިއަޒް ޕެރޭރާ އަދި މާޓިނެލީއަށެވެ. އަދި އެޑާ މިލިޓާއޯ އާއި ޑޮގްލަސް ލުއިޒް ޖެހި ޕެނަލްޓީ ވަނީ ކާމިޔާބު ނުވެފައެވެ.

އުރުގުއޭ ޓީމުން ޕެނަލްޓީ ކާމިޔާބު ނުކުރެވުނީ މާރިއާ ހިމެނޭޒް އަށް އެކަންޏެވެ. އަދި އެ ޓީމުން ދެން ޕެނަލްޓީ ޖަހަން ނިކުތް ވަލްވާޑޭ، ބެންޓެންކޫރު، އަރަސިއޭޓަ އަދި މެނުއަލް އުގާޓޭ ވަނީ ޕެނަލްޓީ ކާމިޔާބު ކޮށްފައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.