މަޖީދިއްޔާ ސްކޫލް ކައިރީގައި ހުރި ޓްރާންސްފޯމަރަކަށް ގެއްލުންދީ ކޭބަލްތައް ބުރިކޮށް ވަގަސް ނެގި މައްސަލައިގައި ހައްޔަރުކުރި މީހާގެ ބަންދަށް އިތުރު 15 ދުވަސް ޖަހައިފިއެވެ.

ފުލުހުންގެ އިދާރާާއިން ވިދާޅުވެފައިވާ ގޮތުގައި މިދިޔަ އަންގާރަދުވަހު ކުރި އެ ވައްކަމާއި ގުޅިގެން ހައްޔަރުކޮށްފައި ވަނީ އުމުރުން 32 އަހަރުގެ ދިވެހި ފިރިހެނެކެވެ. އެމީހާ ހައްޔަރުކޮށްފައި ވަނީ  ހުކުރު ދުވަހުގައެވެ.

ފުލުހުންގެ އިދާރާއިން ވިދާޅުވީ އެމީހާގެ ބަންދާއި މެދު ގޮތެއް ނިންމުމަށް ކޯޓަށް ޙާޟިރުކުރުމުގައި 15 ދުވަހަށް ބަންދުގައި ބެހެއްޓުމަށް ކްރިމިނަލްކޯޓުން އަމުރުދީފައިވާ ކަމަށެވެ.

އަންގާރަ ދުވަހުގެ ފަތިހު އެޓްރާންސްފޯމަރަށް ގެއްލުންދީ ވައްކަން ކުރުމުގެ ސަބަބުން އެސަރަހައްދުގެ ގެތަކުން ގިނައިރުތަކަކަށް ކަރަންޓްގެ ޚިދުމަތް މެދުކެނޑިގެން ދިޔައެވެ. ވައްކަން ކުރިމީހާ ހައި ވޯލްޓޭޖް ކޭބަލެއް ބުރިކޮށްގެން ވަގަށް ގެންދިޔައިރު، އެހެން ކޭބަލެއްވެސް ބުރިކޮށްލުމަށް މަސައްކަތްކޮށްފައިވެއެވެ.

ކަރަންޓް ކޭބަލަށް ގެއްލުންދީ ވަގަށް ނަގަނީ، އެކޭބަލްގައި ހުންނަ ލޮއެ ނަރުތަކުގެ ބޭނުމުގައެވެ. އެ ނަރުތައް އެމީހުން ވިއްކަނީ، ދަގަނޑާއި ލޮއެ ގަންނަ ފަރާތްތަކަށެވެ. އެހެ