އިނގިރޭސި ވިލާޓުގެ އައު ބޮޑު ވަޒީރު، އަދި ލޭބަރ ޕާޓީގެ ލީޑަރު، ކެއާ ސްޓާމާއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަރުޙަބާ ވިދާޅުވެއްޖެއެވެ.

ރައީސުލްޖުމްހޫރިއްޔާ ވަނީ، އިނގިރޭސި ވިލާތުގެ އާއްމު އިންތިޚާބުގައި ލޭބާ ޕާޓީން ހޯދި ކާމިޔާބު ފާހަގަކުރައްވައި. ދިވެހި ސަރުކާރާއި ރައްޔިތުންގެ ނަމުގައި، އިނގިރޭސި ވިލާތުގެ އައު ބޮޑު ވަޒީރު ކެއާ ސްޓާމާއަށް ތަޙްނިޔާ ފޮނުއްވާފައެވެ. ރައީސުލްޖުމްހޫރިއްޔާގެ މެސެޖުގައި ބޮޑުވަޒީރު ކެއާ ސްޓާމާގެ ބޮޑުވަޒީރުކަމުގެ މިފެށޭ ދައުރުގައި އިނގިރޭސި ވިލާތަށް އިތުރު ކުރިއެރުމާއި ތަނަވަސްކަން ލިބިގެން ދާނޭ ކަމަށް ޔަޤީން ކުރައްވާ ކަމުގައި ވިދާޅުވިއެވެ.

އިނގިރޭސި ވިލާތުގައި ބުރާސްފަތި ދުވަހު ބޭއްވި އާއްމު އިންތިޚާބުގައި ސްޓާމާގެ ލޭބާޕާޓިން ވަނީ ބޮޑު ކާމިޔާބެއް ހޯދާފައެވެ. މިގޮތުން އިނގިރޭސި ވިލާތުގެ ޤާނޫނު ހަދާ މަޖިލީހުގެ ތިރިގެ، ހައުސް އޮފް ކޮމަންސްގެގައި ހިމެނޭ ދެބައިކުޅަ އެއްބަޔަށްވުރެ ގިނަ ގޮނޑި އެޕާޓީން ވަނީ ކާމިޔާބުކޮށްފައެވެ. ހައުސް އޮފް ކޮމަންސްއަށް 650 މެމްބަރުން އިންތިޚާބުކުރާއިރު، ލޭބާ ޕާޓީގެ 404 ކެންޑިޑޭޓުން ވަނީ އެބޭފުޅުން ވާދަކުރެއްވި ދާއިރާތަކުން އިންތިޚާބު ކާމިޔާބު ކުރައްވާފައެވެ.

އެހެން ނަމަވެސް ލޭބަރ ޕާޓިގެ މެމްބަރު އިނގިރޭސި ވިލާތުގެ ކުރީގެ ބޮޑު ވަޒީރު، ލިޒް ޓްރަސްއަށް ވަނީ ގޮނޑި ގެއްލި އިންތިޚާބުގައި ނާކާމިޔާބީއާ ކުރިމަތިލައްވަން ޖެހިވަޑައިގެންފައެވެ.

މިހާރު އިނގިރޭސި ބޮޑުވަޒީރު ކަމުގެ މަޤާމުގައި ހުންނެވި ރިޝީ ސުނަކްގެ ކޮންޒަވޭޓިވް ޕާޓީއަށް ކާމިޔާބު ކުރެވިފައި ވަނީ، 113 ގޮނޑިއެވެ.