އެމްޑީޕީގެ ޤައުމީ މަޖިލީހުން ހުސްވެފައިވާ މަޤާމްތަކަށް މެމްބަރުން އިންތިޚާބު ކުރުމަށް ބާއްވާ ބައި އިލެކްޝަންގައި ޗާދަކުރުމަށް އެދޭ ފަރާތްތަކުން ކެންޑިޑެންސީ ހުށައެޅުމަށް އެޕާޓިން ފުރުޞަތު ހުޅުވާލައިފިއެވެ.

އެމްޑީޕީން ހާމަކޮށްފައިވާ ގޮތުގައި މި ބައި އިލެކްޝަންގެ ވޯޓުލުން އޮންނާނީ، 02 އޯގަސްޓް 2024 ވާ ހުކުރު ދުވަހުއެވެ. އަދި އިންތިޚާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު 07 ޖުލައި 2024 ވާ އާދިއްތަ ދުވަހު މެންދުރު 2:00 ގެ ކުރިން ހުށައަޅުއްވަން ޖެހޭނެ ކަމުގައިވެސް އެޕާޓީން ވަނީ ބުނެފައެވެ.

މި ބައި އިލެކްޝަންގައި ވާދަކުރެވޭނީ، 1 ޖުލައި 2024 އާއި ހަމައަށް މިޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވެފައިވާ ފަރާތްތަކުގެ ތެރެއިން، ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ޤަވާއިދާއި ހިލާފުވެފައި ނުވާ މެމްބަރުންނަށެވެ.

Advertisement

އެމްޑީޕީން މިއަދު ހުޅުވާލާފައި ވަނީ އެޕާޓީގެ ޤައުމީ މަޖިލީހުގައި ހިމެނޭ 26 ދާއިރާއެއްގެ ރައީސުން ހޮވުމަށް ބާއްވާ ބައި އިލެކްޝަނަށެވެ.

އެދާއިރާ ތަކަކީ:

1- ދިއްދޫ ދާއިރާ

2- ކެލާ ދާއިރާ

3- މަކުނުދޫ ދާއިރާ

4- ކުޅުދުއްފުށި ދެކުނު ދާއިރާ

5- ކުޅުދުއްފުށި ސިޓީގެ ރައީސް

6- އުނގޫފާރު ދާއިރާ

7- އިނގުރައިދޫ ދާއިރާ

8- ތުޅާދޫ ދާއިރާ

9- ހިތާދޫ ދާއިރާ

10- ކުރެންދޫ ދާއިރާ

11- މާފުށީ ދާއިރާ

12- ހުރާ ދާއިރާ

13- ދަނގެތި ދާއިރާ

14- ދާންދޫ ދާއިރާ

15- ކޮލަމާފުށި ދާއިރާ

16- ފަރެސްމާތޮޑާ ދާއިރާ

17- ތިނަދޫ ސިޓީގެ ރައީސް

18- ފޭދޫ ދެކުނު ދާއިރާ

19- މެދުހެންވޭރު ދާއިރާ

20- ހެންވޭރު އުތުރު ދާއިރާ

21- ގަލޮޅު އުތުރު ދާއިރާ

22- މައްޗަންގޯޅި އުތުރު ދާއިރާ

23- މާފަންނު އުތުރު ދާއިރާ

24- ހެންވޭރު ހުޅަނގު ދާއިރާ

25- ހުޅުމާލެ އުތުރު ދާއިރާ

26 - މާލެ ސިޓީ ރައީސް