މިސަރުކާރަށް ދިމާވެގެން އުޅެނީ މާލީ ގޮންޖެހުންތައް މެނޭޖުކުރަން ނޭނގުމުގެ މައްސަލަ ކަމުގައި އެމްޑީޕީ ސަރުކާރުގައި ފިނޭންސް މިނިސްޓަރުގެ މަޤާމު ފުރުއްވި އިބްރާހީމް ޢަމީރު ވިދާޅުވެއްޖެއެވެ.

ކުރީގެ މިނިސްޓަރ އަމީރު މިހެން ވިދާޅުވީ، ރާއްޖޭގެ ރާއްޖޭގެ މާލީ އަދި އިޤްތިސާދީ ހާލަތު ދަށްވަމުން ދިއުމާމެދު ކަންބޮޑުވުން ފާޅުކުރުމުގެ ގޮތުން އެމްޑީޕީން ބޭއްވި ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުންނެވެ.

ކުރީގެ ފިނޭންސް މިނިސްޓަރ އިބްރާހީމް ޢަމީރު ވިދާޅުވީ، 2019 ވަނަ އަހަރާއި އަޅާ ބަލާއިރުވެސް ރާއްޖޭގެ އިޤުތިޞާދީ ޙާލަތު ރަނގަޅު ކަމަށެވެ.

ކުރީގެ ފިނޭންސް މިނިސްޓަރ އަމީރު ވިދާޅުވީ، އޭރު، (ކޯވިޑްގެ ދުވަސްވަރު) އެހިސާބުތައް ޖަހަމުން އައީ، 2023 ވަނަ އަހަރު، ރާއްޖޭގެ ވެރިކަމަށް ނާޤާބިލް ބައެއް އަންނާނެ ކަމަށް ބަލައިގެން ނޫންކަމަށެވެ. 

ކުރީގެ ފިނޭންސް މިނިސްޓަރ އިބްރާހީމް ޢަމީރު ވިދާޅުވީ، މިސަރުކާރުން ދަނީ ޙަޤީޤަތާއި ޚިލާފުވާހަކަތައް ފަތުރަމުން ކަމަށެވެ. އަދި ރާއްޖޭގެ އިޤުތިޞާދީ ޙާލަތު މިއަދު މިއޮތް ޙާލަތަށް ވެއްޓުނީ ސަރުކާރުގެ ނާޤާބިލް ކަމުން ކަމަށާއި، ވެރިކަން ބަދަލުވިއިރުވެސް ރާއްޖޭގެ އިޤުތިޞާދީ އަދި މާލީ ޙާލަތު އައީ ރަނގަޅުވަމުން ކަމަށެވެ.

މިނިސްޓަރ ޢަމީރު ވިދާޅުވީ، 2018 ވަނަ އަހަރު އެމްޑީޕީ ސަރުކާރުން ވެރިކަމަށް އައިރު އާމްދަނީއައީ އިތުރުވަމުން ކަމަށާއި، އަދި ދަރަނި ދަށުގައި ހުރި އިރު އިޤުތިޞާދުވެސް އައީ ބާރަށް ކުރިއަރަމުން ކަމަށެވެ. އެހެން ނަމަވެސް ކޯވިޑާއި އެކު ދިވެހިރާއްޖޭގެ އިޤުތިޞާދު އެއްކޮށް ހުއްޓިގެން ދިޔަ ކަމަށެވެ. އަދި ކޯވިޑާއި އެކު ދިވެހިރާއްޖޭގެ ޖީޑީޕީ %32.9 އިންސައްތަ ދަށަށް ދިޔަ ކަމަށެވެ. އަދި 2020 ވަނަ އަހަރު ރާއްޖެއަށް ލިބުނު އާމްދަނީ އާއި ހިލޭ އެހީވެސް ދެބައިކުޅަ އެއްބައި ދަށަށް ދިޔަކަން މިނިސްޓަރ އަމީރު ފާހަގަކުރެއްވިއެވެ.

މިނިސްޓަރ އަމީރު ވަނީ، މި ސަރުކާރުގެ ބައެއް ބޭފުޅުން ކޯވިޑުގައި ރާއްޖޭގެ އިޤުތިޞާދު މުޅިން ހުއްޓިގެން ދިޔަކަން ހަނދާންނައްތާލަައްވައި، ސިޔާސީ ބޭނުމަށް މުޅިން ދޮގު ވާހަކަތައް ފަތުރަމުންދާކަންވެސް ފާހަގަކުރައްވާފައެވެ. މިނިސްޓަރ އަމީރު ވިދާޅުވީ، ކޯވިޑް-19ގެ ޢާލަމީ ވަބާގައިވެސް ސަރުކާރުން ރައްޔިތުންނަށް ނިކަމެތިކަމެއް ލިބުނަ ނުދީ އިޤުތިޞާދު މެނޭޖުކުރީ ދައުލަތުން ބުރަތަކެއް އުފުލައިގެން ކަމަށެވެ.

ރާއްޖޭގެ މާލީ ހާލަތު ގޯސްވެ، ޚަރަދު ކުޑަކުރުމުގެ ސިޔާސަތުތަކެއް ތަންފީޒް ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ނިންމަވައި އެކަން އިޢުލާނު ކުރައްވާފައެވެ.