ރާއްޖޭގައި ޤަވާއިދާއި ޚިލާފަށް އުޅޭ ބިދޭސީން ހޯދުމަށް ފުލުހުން ހިންގަމުންދާ އޮޕަރޭޝަންގެ ތެރެއިން، ޤަވާއިދާ ޚިލާފަށް ރާއްޖޭގައި އުޅެމުންދާ 50 ބިދޭސީއަކު މިއަދު އިމިގްރޭޝަނާއި ހަވާލުކޮށްފައިވާ ކަމުގައި ފުލުހުންގެ އިދާރާއިން ބުނެފިއެވެ.

ފުލުހުންގެ އިދާރާއިން ބުނީ، މިއަދު މި އޮޕަރޭޝަން ހިންގާފައި ވަނީ މާލޭގައި ކަމަށެވެ. މިގޮތުން، މާލޭ ލޯކަލް މާރުކޭޓް ސަރަހައްދާއި، މާލެ ތެރޭގައި ހިންގާ މާރުކޭޓްތަކުގެ އިތުރުން، މާލޭގެ އެކި ސަރަހައްދުތަކުގައި އޮޕަރޭޝަން ހިންގާފައިވާ ކަމުގައި ފުލުހުންގެ އިދާރާއިން ބުންޏެވެ.

ފުލުހުންގެ އިދާރާއިން ބުނީ، ޤަވާއިދާއި ޚިލާފަށް އުޅޭ ބިދޭސީން ހޯދައި ރާއްޖެއިން ފޮނުވާލުމުގެ މިއޮޕަރޭޝަނަކީ، އިމިގްރޭޝަންގެ އިސް ނެގުމަށް ހިންގަމުންދާ އޮޕަރޭޝަނެއް ކަމަށެވެ.