ރައީސް މައުމޫނުގެ ދައުރުގައި މާލޭގައި އިމާރާތްކުރު ފްލެޓް އިމާރާތްތަކުގެ ތެރޭގައި ހިމެނޭ ސިނަމާލެ 3 ގެ އިމާރާތުގެ ޓެރަހުގައި ހަރުކޮށްފައި ކުރި އާތު ދަގަނޑުތައް ބުރިކޮށް ވަގަށް ނެގި ބަޔަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ވައްކަމުގެ އެމައްސަލައިގައި ހައްޔަރުކޮށްފައި ވަނީ، އުމުރުން 35 އަހަރުގެ ދެ ފިރިހެނުންނާއި، އުމުރުން 42 އަހަރުގެ ފިރިހެނެއް ކަމަށެވެ.

ފުލުހުންގެ އިދާރާއިން ވިދާޅުވީ އެ ތިން މީހުން ވައްކަން ކުރަން އުޅެނިކޮށް ފުލުހުންނަށް ރިޕޯޓްކޮށްފައި ވަނީ ރޭ ފަތިހު 5:01 ގައި ކަމަށެވެ. އެމީހުން އެތަނަށް ވަދެފައި ވަނީ ސެކިއުރިޓީ ދޮރުގެ ތަޅުތައް ހަލާކުކޮށްލައިގެންނެވެ. އަދި އެމީހުން ބުރިކޮށް ވަގަށް ނަގާފައި ވަނީ، އެ އިމާރާތުގެ އާތަށް ޖަހާފައި ހުރި ފަލަ ލޯނަރުތަކެވެ.

ލޮއެ ނަރުގެ ބާވަތްތަަކާއި، ދަގަނޑުގެ ބާވަތްތައް ވަގަށް ނަގައިގެން ވިއްކުމަކީ، މަސްތުވާތަކެތި ބޭނުން ކުރާ ޒުވާނުން ފައިސާ ހޯދަން ކުރާ ކަމަކަށް މިހާރު ވަނީ ވެފައެވެ.