މާލޭ ޢީދު މިސްކިތުން ވައްކަން ކުރިކަމަށް ތުހުމަތު ކުރެވޭ މީހާ ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، އެމައްސަލައިގައި ހައްޔަރުކޮަށްފައި ވަނީ އުމުރުން 41 އަހަރުގެ ދިވެހި ފިރިހެނެއް ކަމަށެވެ. އޭނާގެ ބަންދާއި މެދު ގޮތެއް ނިންމުމަށް ކޯޓަށް ޙާޟިރު ކުރުމުން ކޯޓުންވަނީ 15 ދުވަހަށް އޭނާ ބަންދުކުރުމަށް އަމުރުދީފައިވާ ކަމުގައިވެސް ފުލުުހުންގެ އިދާރާއިން ވިދާޅުވިއެވެ.

މާލޭ ޢީދު މިސްކިތުން އެމީހާ ވައްކަން ކޮށްފައި ވަނީ މިދިޔަ ހުކުރު ދުވަހުގެ ރޭގައެވެ. މާލޭ ސިޓީ ކައުންސިލުން ވަނީ އޭނާ މިސްކިތަށް ވަދެ އުޅޭ މަންޒަރު ފެންނަ ސީސީޓީވީ ވީޑިއޯގެ ސްކްރީންޝޮޓްތަކެއް ޖޫން މަހުގެ 22 ވަނަ ދުވަހު އާއްމުކޮށްފައެވެ.

މާލޭ ސިޓީ ކައުންސިލުން ވިދާޅުވީ، މިޖޫން މަހުގައި އެކަނިވެސް މާލޭ ޢީދު މިސްކިތުން 10 ފަންކާއެއް ވަގަށް ގެންގޮސްފައިވާ ކަމަށެވެ.

ފުލުހުންގެ އިދާރާއިން ވިދާޅުވީ މިއަހަރުގެ މިހާތަނަށް މާލޭގެ މިސްކިތްތަކުން ވައްކަން ކުރުމުގެ 21 މައްސަލައެއް ފުލުހުންނަށް ހުށައެޅި ބަލަމުންދާ ކަމަށެވެ.