މާރާމާރީއެއް ހުއްޓުވުމައި ހަރަކާތްތެރިވި ފުލުހެއްގެ ގައިގައި ކާރުން ޖެއްސުމަށްފަހުގައި ފިލައިގެން އުޅެނިކޮށް ހައްޔަރުކުރި މީހާގެ ބަންދަށް 10 ދުވަސް ޖަހައިފިއެވެ.

ފުލުހުންގެ އިދާރާއިން ވިދާޅުވީ އޭނާގެ ބަންދާއި މެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޟިރު ކުރުމުން އޭނާ 10 ދުވަހަށް ބަންދުގައި ބެހެއްޓުމަށް އަމުރު ދީފައިވާ ކަމަށެވެ.

މިޖޫން މަހުގެ ސޯޅަވަނަ ދުވަހުގެ ފަތިހު ހުޅުމާލޭ ފިލިގަސް މަގުގައި ބަޔަކު ހިންގަމުން ދިޔަ މާރާމާރިއެއް ހުއްޓުމަށް މަސައްކަތް ކުރި، ފުލުސް އޮފިސަރެއްގެ ގައިގައި ކާރުން ޖައްސައި ފިލައިގެން އުޅެނިކޮށް ހައްޔަރުކުރި މީހާއަކީ، 22 އަހަރުގެ ދިވެހި ފިރިހެނެކެވެ.