ކޮންމެ އަހަރެއްގެ ހައްޖު މޫސުމަށްފަހު ރޯގާ ފެތުރުން އިތުރުވާތީ އެކަމަށް ސަމާލުކަން ދިނުމަށް ހެލްތު ޕްރޮޓެކްޝަން އޭޖެންސީ އެޗްޕީއޭއިން އިލްތިމާސްކޮށްފިއެވެ.

އެޗްޕީއޭއިން ވަނީ، ހައްޖާއި ޢުމްރާގެ އަޅުކަމަށް ފަހު އެނބުރި އަންނައިރު، ރައްކާތެރިކަމުގެ ގޮތުން އެޅިދާނެ ފިޔަވަޅުތައް ބަޔާންކޮށްދީ އެކަންކަމަށް ސަމާލުކަން ދެއްވުމަށް އެދިވަޑައިގެންފައެވެ. މިގޮތުން އަރިދަފުސް ރޯގާ ޖެހިއްޖެނަމަ ކެއްސާ ކިނބިހިއަޅާއިރު އަނގަމައްޗާއި ނޭފަތް ނިވާ ކުރުމާއި، ޓިޝޫ ފަދަ ތަކެތި ބޭނުން ކުރުމަށްފަހުގައި ރައްކާތެރިކަމާއި އެކު ނައްތާލުމާއި، ގިނަ ގިނައި ސައިބޯނި ލައިގެން އަތްދޮވުމާއި، ދަތުރުމަތީގަޔާއި ހައްޖާއި އުމުރާގެ އަޅުކަމުގައި އުޅޭ އިރު މާސްކު އަޅައިގެން އުޅުން ހިމެނެއެވެ.

އަދި ރޯގާ ޖެހިފައިވާނަމަ، މީހުން އެއްވެ އުޅޭ ތަންތަނަށް ނުދިއުމަށާއި، ޚާއްޞަކޮށް އުމުރުން ދުވަސްވީ މީހުންނާއި، ބޮޑެތި ބަލިތައް ތަޙައްމަލު ކުރާ މީހުންނާއި ޒިޔާރަތް ނުކުރުމާއި، ކުޑަކުދިން އުރައި ނުހެދުމަށް އެޗްޕީއޭއިން އިލްތިމާސްކޮށްފައިވެއެވެ.

އަދި ހައްޖު ނުވަތަ އުމުރާގެ އަޅުކަމަށް ފަހު އެނބުރި އަންނަތާ 14 ދުވަހުގެ ތެރޭގައި ހުންއައުމާއި، ކެއްސުމާއި ނޭވާލާ އުނދަގޫ ވުމާއި، މޭގަިއ ރިއްސުން ފަދަ ޢަލާމާތެއް ފެނިއްހެ ނަމަ ލަސްނުކުރައްވައި ޑޮކްޓަރެއްގެ މަޝްވަރާ ހޯއްދެވުމަށްވެސް އެޗްޕީއޭއިން ވަނީ އިލްތިމާސްކޮށްފައެވެ.

މިއަހަރު ރާއްޖެއިން ޙައްޖަށް ދިޔަ މީހުން ހަފްތާގައި އެނބު މާލެ އަންނަން ފަށާނެއެވެ.