މިސްކިތުގެ ހުރުމަތް ކެނޑޭ ގޮތަށް ރ. މީދޫ މިސްކިތެއްގައި އަންހެނަކު ޓިކްޓޮކް ވީޑިއޯއެއް ހަދައި ޕޯސްޓްކުރި މައްސަލަ ފުލުހުން ބަލަން ފަށައިފިއެވެ.

ފުލުހުންގެ އިދާރާއިން ވިދާޅުވީ، އެޓިކްޓޮކް ވީޑިއޯ ހެދީ އެރަށަށް އީދު ޝޯވ ދޭން ދިޔަ ގުރޫޕެއްގައި ހިމެނޭ އަންހެން މެމްބަރެއް ކަމަށެވެ. އޭނާ އެވީޑިއޯ ހަދާފައި ވަނީ މީދޫގައި ހުންނަ އާސާރީ މިސްކިތުގައެވެ. އެތައް ސަތޭކައަހަރެއްވީ ހިރިގަލުގެ އެމިސްކިތަކީ އަދިވެސް އެރަށުގައި މީހުން ނަމަާދު ކުރަމުން އަންނަ މިސްކިތެކެވެ.

ފުލުހުންގެ އިދާރާއިން ވިދާޅުވީ އެމައްސަލަ ތަޙްޤީޤު ކުރަމުން އަންނަ ކަމަށެވެ.

އެނގިފައިވާ ގޮތުގައި ފާޑުކިޔުންތަކާއި ނުރުހުން އަމާޒުވުމުން އެ އަންހެންމީހާ ވަނީ އޭނާ ޕޯސްޓްކުރި އެ ޓިކްޓޮކް ވީޑިއޯ މިހާރު ޑިލީޓްކޮށްލާފައެވެ.