ލަސްޠީނުގެ ރައްޔިތުންނަށް އެހީވުމަށްޓަކައި ޤައުމީ ފެންވަރުގައި ބާއްވާ 'ފަލަސްޠީނާއެކު ދިވެހީން' ޚާއްޞަ ޓެލެތޯނަށް ސްޓެލްކޯއިން ބައި މިލިޔަން ރުފިޔާ ހަދިޔާކޮށްފިއެވެ.

ސްޓެލްކޯއިން ބުނީ، ރައީސުލްޖުމްހޫރިއްޔާގެ އިސްނެންގެވުމަށް ޕީއެސްއެމް އިން "ފަލަސްޠީނާއެކު ދިވެހީން"ގެ ނަމުގައި ކުރިއަށް ގެންދާ ޓެލެތޯނަށް މިކުންފުނީގެ މުވައްޒަފުންގެ ފަރާތުން ވަނީ ބައި މިލިއަން ރުފިޔާ ހަދިޔާކޮށްފައި ކަމަށެވެ. މިފައިސާގެ ރަމްޒީ ޗެކާއި ހަވާލުވެވަޑައިގެންނެވީ، ޕީއެސްއެމްގެ މެނޭޖިންގ ޑައިރެކްޓަރާއި ޑެޕިއުޓީ މެނޭޖިންގ ޑައިރެކްޓަރެވެ.

މިފައިސާގެ އިތުރުންވެސް ކުންފުނީގެ އިސްވެރިންނާއި މުވައްޒަފުން ވަނީ ސްޓެލްކޯގެ ހެޑްއޮފީހުގެ ކުރިމަތީގައި ބަހައްޓާފައިވާ ފަންޑުފޮއްޓަށް ފައިސާ އަޅާފައެވެ. ސްޓެލްކޯއިން ބުނީ އެކުންފުނީގެ މުވައްޒަފުން ސާބިތުކަމާއެކު އަބަދުވެސް ދެމިތިބޭނީ ފަލަސްޠީނުގެ ރައްޔިތުންނާ އެކުގައި ކަމަށެވެ.

"ފަލަސްޠީނާއެކު ދިވެހީން"ގެ ނަމުގައި ކުރިއަށް ގެންދާ ޓެލެތޯނަށް މިއަދުގެ 15:00 އާއި ހަމައަށް ވަނީ 3 މިލިއަނަށް ވުރެ ގިނަ ރުފިޔާ އާއި 10 ހާސް ޑޮލަރު ލިބިފައި ކަމުގައި ޕީއެސްއެމްއިން ހާމަކޮށްފައި ވެއެވެ.