Advertisement

ސްޓެލްކޯއިން މިއަދު ފެށި ގަސް އިންދުމުގެ ޕްރޮގްރާމްގެ ތެރެއިން --

05 Jun 2024
ޚަބަރު
ޢަލީ ސުލައިމާން

ސްޓެލްކޯގެ އަމާޒަކީ 5 އަހަރުގެ ތެރޭގައި 5 ލައްކަ ގަސް އިންދުން- ސްޓެލްކޯ

ފަސް އަހަރުގެ ތެރޭގައި ފަސް ލައްކަ ގަސް އިންދުމުގެ ޕްރޮގްރާމެއް ސްޓެލްކޯއިން މިއަދު އިފްތިތާޙްކޮށްފިއެވެ.

ސްޓެލްކޯގެ މި ޕްރޮގްރާމް މިއަދު ފަށާފައި ވަނީ، ކ. ތުލުސްދޫގައެވެ. ތުލުސްދޫގައި މި ޕްރޮގްރާމް ފަށާފައި ވަނީ، ސްޓެލްކޯ އާއި ތުލުސްދޫ ކައުންސިލާއި، ތުލުސްދޫގެ ސަރުކާރުގެ މުއައްސަސާތަކާއި ތުލުސްދޫގެ ރައްޔިތުން ބައިވެރިކޮށްގެންނެވެ.

މި ޕްރޮގްރާމް މިއަދު ފަށާފައި ވަނީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވަޢުދުފުޅާއި އެއްގޮތަށް، ރާއްޖޭގައި 5 އަހަރުން 5 މިލިއަން ގަސް އިންދުމުގެ ވަޢުދު ފުރިހަމަ ކުރުމަށް މަސައްކަތް ކުރެއްވުމާއި، ދުނިޔޭގެ ތިމާވެށީގެ ދުވަސް ފާހަގަކުރުމުގެ ގޮތުން ސްޓެލްކޯއިން ކުރާ މަސައްކަތްތަކުގެ ތެެރެއިންނެވެ.

ސްޓެލްކޯއިން ވިދާޅުވީ، ސްޓެލްކޯއިން ޔުޓިލިޓީ ޚިދުމަތްތައް ދެމުން އަންނަ ރާއްޖޭގެ 30 ރަށެއްގައި މިއަދު މިޕްރޮގްރާމް ފަށާފައިވާ ކަމަށާއި އަމާޒަކީ މިއިން ކޮންމެ ރަށެއްގައިވެސް މަދުވެގެން މިއަދު އެކަނިވެސް 500 ގަސް އިންދުން ކަމަށެވެ.

މީގެ އިތުރުން މިއަދު ތުލުސްދޫގައި މި ޕްރޮގްރާމް ފެށި އިރު، އެރަށުގައި ކޮމިއުނިޓީގެ އެހީތެރިކަމާއިއެކު 5000 ގަހާއި 1000 ރުއް އިންދުމުގެ މަސައްކަތް ވަނީކޮށްފައެވެ.  

ރައީސުލްޖުމްހޫރިއްޔާގެ 5 މިލިއަން ގަސް އިންދުމުގެ ވަޢުދު ފުރިހަމަކުރުމުގައި ބައިވެރިވެ އެކަމާއި ގުޅޭ އެއްބަސްވުމެއްގައި އެންވަޔަރަމަންޓް މިނިސްޓްރީއާ ސްޓެލްކޯއިން ވަނީ ސޮއެކޮށްފައެވެ. 

މިރަސްމިއްޔާތުގައި ތުލުސްދޫގެ ކައުންސިލްގެ ރައީސް އަސްލަމް މޫސާ ދެއްކެވި ވާހަކަފުޅުގައި ވަނީ، ސްޓެލްކޯގެ މިއިސްނެންގެވުމަށް ތަޢުރީފު ކުރައްވައި ޝުކުރުއަދާކުރައްވާފައެވެ. އަދި ސްޓެލްކޯގެ މިމަސައްކަތްތަކުން ފެނިގެން ދަނީ، ހަކަތަ އުފެއްދުމަށް ކުރެވޭ މަސައްކަތަކާއި އެކު ތިމާވެށީގެ ޙިމާޔަތަށްވެސް ކުރާ މަސައްކަތްތައް ކަމުގައި އޭނާ ވިދާޅުވިއެވެ.

ކޮމެންޓް
ލަބީޤް މުޙައްމަދު މާހިދު، މ. މަނަދޫވިއު
ކަރަންޓު ބިލް ރަނގަޅުކޮށްދެއްވަން މަސައްކަތްކޮށްދެއްވާނީ ކޮންއިރަކުންތޯ؟
05 Jun 2024
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.