ރޭ ހުޅުމާލެ ނެރު ކައިރީގައި ދެލޯންޗެއް އެކްސިޑެންޓްވި އަނިޔާވި މީހުންގެ ތެރެއިން އެކަކު ފިޔަވައި އެންމެން ހޮސްޕިޓަލުން ދޫކޮށްލައިފިއެވެ.

ރޭ އެގާރަޖަހާ އެހާކަންހާއިރު މިހާދިސާ ހިނގީ، ހުޅުމާލެ ނެރުމަތީގައި، ރިޒޯޓެެއްގެ ލޯންޗަކާއި، އެހެން ލޯންނެއް ޖެހިގެންނެވެ. އެކްސިޑެންޓްވި އެއް ލޯންޗަކީ ރެހެންދި ނަމަކަށް ކިޔާ ލޯންޗެކެވެ. އަނެއް ލޯންޗަކީ، އެޓްމޮސްފިއަރ ކަނިފުށި ރިޒޯޓުގެ ވަރު ނަމަކަސް ކިޔާ ލޯންޗެކެވެ.

އެކްސިޑެންޓާއި ގުޅިގެން 7 މީހަކަށް ހޮސްޕިޓަލްގައި ފަރުވާދީފައި ވެއެެވެ. އޭގެ ތެރެއިން އެކަކު ފިޔަވައި އެހެން ހުރިހާ އެންމެން މިހާރު ވަނީ ހޮސްޕިޓަލުން ދޫކޮށްލާފައި ކަމުގައި އައިޖީއެމްއެޗްގެ މީޑިއާ އޮފިޝަލް ވިދާޅުވިއެވެ.

އައިޖީއެމްއެޗްގެ މީޑިއާ އޮފިޝަލް ވިދާޅުވީ، ހޮސްޕިޓަލުން އަދި ދޫކޮށް ނުލާ އޮތް މީހާގެ ހާލުވެސް ސްޓޭބަލް ކަމަށާއި އޭނާއަށް ފަރުވާދެމުން އަންނަނީ ވޯޑުގައި ކަމަށެވެ.

ރާއްޖޭގައި މިފަހަކަށް އައިސް ކަނޑުމަތީގެ މިފަދަ ނުރައްކާތެރި ހާދިސާތައް އަންނަނީ އިތުރުވަމުންނެވެ.