Advertisement

ސޯޝަލް މީޑިއާގައި ދައުރުވަމުންދާ ވީޑިއޯގެ ސްކްރީން ޝޮޓެއް

01 Jun 2024
ޚަބަރު
ޢަލީ ސުލައިމާން

އެކްސިޑެންޓްވުމުން ލޯންޗު އަޅާ ނުލައި ދިޔައީ، ބިދޭސީ މީހާ ނެގީ އެހެން ލޯންޗަކުން!

މިއަދު ހެނދުނު އދ. ދަނގެތީ ކައިރީގައި ފާނަ ބާނަށް މޫދުގައި އޮތް ބިދޭސީ މީހާގެގައި ގައި ލޯންޗުން ޖެހުމުންވެސް އެލޯންޗު އަޅާނުލައި ދިޔައީ ކަމަށާއި، ބިދޭސީ މީހާ ޒަޚަމްވެފައި ވަނިކޮށް ނެގީ އެސަރަހައްދުން ދަތުރު ކުރި އެހެން ލޯންޗަކަށް ކަމުގައި މައުލޫމާތު އެނގޭ މީހުން ބުނެފިއެވެ.

އެކްސިޑެންޓްގައި މަރުވީ، ފ. ފީއަލީގެ ދޯންޏަކުން އދ. މާމިގިލީ ކައިރީގައި އޮތް ފަޅެއްގެ ކައިރިއަށް ފާނަ ނަގަން ފައިބައި އޮތް ބިދޭސީ މީހެކެވެ. ބިދޭސީ މީހާ މޫދުގައި ފާނަ ބާނަން އޮތީ، އޭނާ ގެންގުޅުނު ބާސްކެޓްތަކުގައި ދުރަށް ފެންނަ ގޮތަށް އޮރެންޖް ކުލައިގެ ދިދަ ޖަހައިގެންނެވެ. އޭނާ ޒަޚަމްވެފައި އޮތް ތަނުގައި އޭނާ ބާނާ ފާނަ އަޅަން ގެންގުޅުނު 2 ބާސްކެޓް އޮތް އިރު އެއިން ކޮންމެ ބާސްކެޓެއްގައިވެސް، އޮރެންޖު ކުލައިގެ ދިދައެއް ޖަހާފައި ހުއްޓެވެ.

އެނގިފައިވާ ގޮތުގައި ބިދޭސީ މީހާގެ ގައިމަތިން ދަތުރުކޮށްފައި ދިޔަ ލޯންޗަކީ، އދ. ދނގެތިން ފުރައިގެން މިއަދު ހެނދުނު މާލެއަށް އައި ލޯންޗެކެވެ. ފުލުހުންގެ އިދާރާއިން ވިދާޅުވެފައި ވަނީ އެލޯންޗު ދުއްވި ކެޕްޓަން މިހާރު ހައްޔަރުކޮށްފައިވާ ކަމަށެވެ.

ހާދިސާ ހިނގި ސަރަހައްދުން ދަތުރު ކުރި އެހެން ލޯންޗަކަށް ޒަޚަމްވި ބިދޭސީ މީހާ ނަގާ މަންޒަރުފެންނަ ވީޑިއޯ ސޯޝަލް މީޑިއާގައި މިހާރު ވަނީ އާއްމު ވެފައެވެ. އެވީޑިއޯ އިން ފެންނަ ގޮތުގައިވެސް ބިދޭސީ މީހާ އޮތް ތަނުގައި ކަނޑު ތެރެވެސް އޮތީ ލެއިން ކަޅިވެފައެވެ.

މިހާދިސާ ފުލުހުން ގެންދަނީ ތަޙްޤީޤުކުރަމުންނެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.