މއަދު ހެނދުނު އދ. ދަނގެތީ ކައިރީގައި ލޯންޗަކުން ޖެހި ބިދޭސީ އަކު މަރުވި ހާދިސާ އަާއި ގުޅިގެން ލޯންޗު ދުއްވި މީހާ ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ބިދޭސީ މީހާ މަރުވި އެކްސިޑެންޓް ހިނގި ލޯންޗު ދުއްވާފައި ވަނީ، ދިވެހި ފިރިހެނެއް ކަމަށާއި އޭނާ މިހާރު ހައްޔަރުކޮށްފައިވާ ކަމަށެވެ.

ފުލުހުންގެ އިދާރާއިން ވިދާޅުވި ގޮތުގައި އެ އެކްސިޑެންޓް ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 7:55 ހާއިރުގައެވެ. އެކްސިޑެންޓްގައި މަރުވި ބިދޭސީ މީހާއަކީ، ފާނަ ބޭނުމަށް މޫދުގައި އޮތް މީހެކެވެ. އޭނާ މަރުވީ، އެނާގެ ގައިމަތިން ލޯންޗު ގޮސް ލޯނޗުގެ ބުރަފަތީގައި ޖެހި ލިބުނު އަނިޔާތަކާއި ގުޅިގެންނެވެ.

ފުލުހުން ވިދާޅުވީ، ބިދޭސީ މީހާ، ދަނގެތީ ސިއްޙީމަރުކަޒަށް ގެންދިޔައިރުވެސް އޮތީ މަރުުވެފައި ކަމުގައި ފުލުހުންނަށް އެމަރުކަޒުން މައުލޫމާތު ދީފައިވާ ކަމަށެވެ.

މިއެކްސިޑެންޓްގެ މައްސަލަ ފުލުހުން ގެންދަނީ ތަޙްޤީޤު ކުރަމުންނެވެ.