މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް)ގެ މުވައްޒަފުން ދުންފަތުގެ އިސްތިޢުމާލުކުރުމާއި ދުރަށްދިޔުމަށް، އެހީތެރިވުމަށް ހާއްސަ ހަރަކާތްތަކެއް ހިންގުމަށްޓަކައި އެމްއޭސީއެލްއާއި ދަމަވެއްޓާއި ދެމެދު އެބަސްވުމެއްގައި ސޮއެކޮށްފިއެވެ.

އެމް.އޭ.ސީ.އެލްގެ ކޯޕަރޭޓް އޮފީހުގައި އިއްޔެ ބޭއްވި ރަސްމިއްޔާތެއްގައި އެމް.އޭ.ސީ.އެލްގެ ފަރާތުން މި އެއްބަސްވުމުގައި ސޮއިކުރެއްވީ ކުންފުނީގެ ސީ.އީ.އޯ އަދި މެނޭޖިންގ ޑައިރެކްޓަރ އިބްރާހިމް ޝަރީފް މުހައްމަދު އެވެ. އަދި ދަމަނަވެށީގެ ފަރާތުން ސޮއިކުރެއްވީ ޕަބްލިކް ހެލްތް ކޯޑިނޭޓަރ މޫސާ ހަނީފެވެ. 

އެމް.އޭ.ސީ.އެލްއިން ހާމަކުރައްވާފައިވާ ގޮތުގައި، މި އެއްބަސްވުމުގެ ދަށުން، އެމް.އޭ.ސީ.އެލްގެ މުވައްޒަފުންދުންފަތުގެ އިސްތިއުމާލް ކުރުމާ ދުރުހެލި އަދި ދުޅަހެޔޮ ސިއްހަތެއްގައި ދެމިތިބުމަޓަކައި މަސައްކަތްކުރެވިގެން ދާނެއެވެ.

ދުންފަތުގެ އިސްތިއުމާލް ކުރުން ހުއްޓާލާ ދުޅަހެޔޮ ސިއްހަތެއްގައި ދެމިތިބުމަށް އެހީތެރިވުމަށް މި އެއްބަސްވުމުގެ ތެރެއިން އެމް.އޭ.ސީ.އެލް ގެ އޮކިއުޕޭޝަނަލް ހެލްތް ޓީމުން ދަމަނަވެއްޓާއި ގުޅިގެން ކައުންސެލިން ދިނުމާއި، އެޑިއުކޭޝަނަލް ވޯކްޝޮޕްހިންގުމާއި، ސަޕޯޓު ގުރޫޕް އުފެއްދުމުގެ އިތުރުން ތަފާތު އެކިއެކި ހަރާތްކާތަކުގެ ތެރެއިން ދުންފަތާއި ދުރަށްދިއުމަށް މުވައްޒަފުންނަށް އެހީތެރިކަން ފޯރުކޯށްދިނުމަށް ވަނީ ހަމަޖެހިފައި ކަމުގައިވެސް އެމް.އޭ.ސީ.އެލްއިން ހާމަކުރެއެވެ.

މި އެއްބަސްވުމުގެ އިތުރުން ކުންފުނީގެ މުވައްޒަފުންގެ މެދުގައި ދުންފަތުގެ ނުރައްކަލާއިމެދު ހޭލުންތެރިކަން އިތުރުކުރުމަށް ކުރެހުމުގެ މުބާރާތެއް  ވަނީ ބާއްވާފައެވެ. މީގެ އިތުރުން، މުވައްޒަފުންގެ ދުޅަހެޔޮކަމަށް އިސްކަންދީގެން މުޅި އަހަރަށް ބަހާލައިގެން އެމް.އޭ.ސީ.އެލް އިން ދަނީ އިތުރު ހަރަކާތްތައް ރާވާ ހިންގަމުންނެވެ.