ފާއިތުވި 10 އަހަރުގެ ތެރޭގައި ތިމާވެށީގެ ދާއިރާއިން ކުރެވުނު މަސައްކަތްތަކަށް ލިބިފައިވާ އެހީ މަދުކަން ފާހަގަކުރައްވައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ކަންބޮޑުވުން ފާޅު ކުރައްވައިިފިއެވެ.

އެމަނިކުފާނު މިކަމުގެ ކަންބޮޑުވުން ފާޅު ކުރެއްވީ، އެންޓީގާގައި މިހާރު ކުރިއަށް ގެންދާ ހަތަރު ވަނަ ސިޑްސް ކޮންފަރެންސްގެ ހަވާސާގައި ބޭއްވި، ސިޑްސްގައި ހިމެނޭ ޤައުމުތަކުގެ އިޤުތިޞާދީ ހާލަތާއި އުފެއްދުންތެރިކަން ކުރިއެރުވުމާއި ގުޅޭ ގޮތުން ބޭއްވި ބައްދަލުވުމުގައެވެ.

މިބައްދަލުވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވީ، ފާއިިތުވެ ދިޔަ 10 އަހަރުގެ ތެރޭގައި، ކޮޕްސަމިޓާއި، ޕެރިސް އެގްރީމެންޓާއި، ކްލައިމެޓް އެޖެންޑާގައިވެސް، މޫސުމީ ބަދަލުގެ ސަބަބުން ގެއްލުންތައް ލިބެމުން އަންނަ ޤައުމުތަކަށް އެހީތެރިވުމަށް ބޮޑެތި ވަޢުދުތައް ވެފައިވާ ކަމަށެވެ. އެހެން ނަމަވެސް، އެ އެހީތަކުން ފާއިތުވި އަހަރުތަކުގައި ލިބިފައި ވަނީ ކުޑަ މިންވަރެއް ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ސިޑްސްގެ ޤައުމުތަކަށް ދެމެހެއްޓެނިވި ތަރައްޤީގެ ލަނޑުދަނޑިތައް ހާސިލްކުރެވޭނީ، އެޤައުމުތަކަށް ބޭނުންވާ މާލީ އެހީތެރިކަން ލިބިގެން ކަމަށެވެ.  އަދި ސިޑްސްގެ ހުރިހާ ޤައުމަކަށްވެސް ދިމާވެފައި އޮތް މައިގަނޑު އެއް މައްސަލައަކީ އުފެއްދުންތެރިކަން ދަށްވުމުގެ މައްސަލަކަންެސް ރައީސް ވަނީ ފާހަގަކުރައްވާފައެވެ.