ފަތުރުވެރިއަކު ކ. ތުލުސްދޫއަށް ބޭލި މައްސަލައިގައި އެކަން ފުލުހުން ބަލާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފަތުރުވެރިއަކު ރާއްޖޭގައި ކުއްތާއެއް ގެންގުޅޭ ވީޑިއޯ އަކާއި، އަދި ކ. ތުލުސްދޫގެ ބަނދަރުމައްޗަށް ފަތުރުވެރިއަކު ކުއްތާއެއް ދޫކޮށްލާ ވީޑިއޯއެއް ސޯޝަލް މީޑިއާގައި އާއްމުވެ އެކަމަށް ސޯޝަލް މީޑިއާގަިއ ފާޑު ކިޔުންތައް އަމާޒުވެފައި ވެއެވެ.

ފުލުހުންގެ އިދާރާއިން ވިދާޅުވީ، ތުލުސްދޫއަށް ބޭލި ކުއްތާއަކީ، ހިންމަފުށީ ބޭރުގައި އޮތް ޔޮޓެއްގައި ފަތުރުވެރިންތަކެއް ގެންގުޅުނު ކުއްތާއެއް ކަމަށެވެ. އަދި އެކުއްތާ މިހާރު ވަނީ އަނބުރާ ޔޮޓަށް ގެންގޮސްފައިވާ ކަމަށާއި، އެއީ ހުއްދަ ލިބިގެން ރާއްޖެ އެތެރެކޮށްފައި އޮތް ކުއްތާއެއް ކަމަށް މިހާތަނަށް ބެލި ބެލުމުން އެނގިފައިވާ ކަމަށްވެސް ފުލުހުންގެ އިދާރާއިން ވިދާޅުވެފައިވެއެވެ.

ކުއްތާއަކީ ރާއްޖެއަށް އެތެރެކުރުމާއި ރާއްޖޭގައި ގެންގުޅުން މަނާކޮށްފައިވާ ތަކެތީގެ ލިސްޓުގައި ހިމަނާފައިވާ ޖަނަވާރެކެވެ.