Advertisement

26 May 2024
ފަލަސްތީން
މިފްތާޙް މުޙައްމަދު

އައިސީޖޭގެ އަމުރަށް ބެލުމެއްނެތި އިޒްރޭލުން ދަނީ ގާޒާއަށް ބޮން އަޅަމުން

ގާޒާގެ ރަފާހްއަށް ދެމުންގެންދާ ހަމަލާތައް ހުއްޓާލުމަށް މިދިޔަ ހުކުރު ދުވަހު އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) އިން އިޒްރޭލުގެ މައްޗަށް އަމުރުކޮށްފައި ވަނިކޮށް، އެކަމަށް ބެލުމެއްނެތި އިޒްރޭލުން ގާޒާގެ ރަފާހްއަށް ހޮނިހިރު ދުވަހު ބޮންއަޅައިފިއެވެ. ރިޕޯޓުތައް ބުނާ ގޮތުން، މި ހަމަލާތަކުގައި ގިނަ ބަޔަކުވަނީ ޝަހީދުވެފައެވެ.

އައިސީޖޭގެ އަމުރަށް ބޯލަނބާނެ ކަމުގެ އެއްވެސް އިޝާރާތެއް އަދި މިހާތަނަށް އިޒްރޭލުން ކޮށްފައެއް ނުވެއެވެ. ބަދަލުގައި އެ އިޒްރޭލުގެ ޕްރައިމް މިނިސްޓަރ ނަތަންޔާހޫ ބުނެފައިވަނީ، ސައުތު އެފްރިކާއިން ހުށަހެޅި މައްސަލައަކީ ސައްހަ ނޫން ކަންތައްތަކެއްގެ މައްޗަށް ބިނާކޮށް ހުށަހެޅި މައްސަލައެއް ކަމަށެވެ. އަދި ނަތަންޔާހޫ ވަނީ އޭނާ އިސްވެހުރެ ހިންގަމުން އެދާ އަނިޔާވެރިކަމަކީ ގަތުލުއާންމެއްކަމަށް ގަބޫލުކުރުމަށް ދެކޮޅުހަދާފައެވެ.

ހޮނިހިރު ދުވަހު އިޒްރޭލުން ދިން ބޮމުގެ ހަމަލާ އަމާޒުކޮށްފައިވަނީ ރަފާހްގައި ހުންނަ ކުވައިތީ ހޮސްޕިޓަލުގެ ކައިރިން، ޝަބޫރާ ކޭމްޕް ހިމެނޭ ސަރަހައްދަށެވެ. މި ހަމަލާގެ ސަބަބުން ބިންގަނޑަށް އައި ލޮޅުމުގެ އަސަރު ވަނީ ކުވައިތީ ހޮސްޕިޓަލަށް ވެސް ކޮށްފައެވެ.

މި ސަހައްދުގެ އިތުރުން، ޖަބަލިއާ ރެފިއުޖީ ކޭމްޕުގައި ހިމެނޭ އުތުރު ގާޒާގެ އައް-ސަފްތާވީ ކިޔާ ސަރަހައްދަކަށް ވެސް އިޒްރޭލުން ވަނީ ހޮނިހިރު ދުވަހު ހަމަލާދީފައެވެ. މި ހަމަލާގައި 10 މީހަކު ޝަހީދުވެފައިވާއިރު، 17 މީހަކަށް ވަނީ އެކިވަރުގެ އަނިޔާ ލިބިފައެވެ.

މީގެ އިތުރުން، ބެއިތު ހަނޫންއަށް ވައިގެ މަގުން ދިން ހަމަލާތަކެއްގައި ވެސް 10 މީހަކު ޝަހީދުވެފައިވެއެވެ. ފަލަސްތީނުގެ ނިއުސް އެޖެންސީ ވަފާއިން ރިޕޯޓުކޮށްފައިވާ ގޮތުގައި، މި ހަމަލާގައި ޝަހީދުވި މީހުންގެ ތެރޭގައި އަންހެނުންނާއި ކުޑަ ކުދިން ހިމެނެއެވެ.

މިދިޔަ ހުކުރު ދުވަހު އައިސީޖޭއިން އިޒްރޭލަށް އަމުރުކޮށްފައިވަނީ، ގާޒާގެ ރަފާހްއަށް ދެމުންގެންދާ ހަމަލާތައް ވަގުތުން ހުއްޓާލުމަށެވެ. މި އަމުރަކީ ދެކުނު އެފްރިކާއިން ހުށަހެޅި މައްސަލައަކާ ގުޅިގެން އައިސީޖޭއިން ނެރެފައިވާ އަމުރެކެވެ. ދެކުނު އެފްރިކާއިން ހުށަހެޅި މައްސަލާގައި އެދިފައިވަނީ ގާޒާއަށް އިޒްރޭލުން ދެމުންގެންދާ ހަމަލާތައް ހުއްޓުވުމުގެ އިތުރުން، ރަފާހްއަށް އިޒްރޭލު ސިފައިން އަރައިގަތުން ހުއްޓުވައިދީ އިންސާނީ އެހީ ގާޒާއަށް ވެއްދުމުގެ އަމުރަކަށެވެ.

މިދިޔަ އަހަރުގެ އޮކްޓޯބަރު މަހުން ފެށިގެން އިޒްރޭލުން ގާޒާއަށް ދެމުންގެންދާ ހަމަލާތަކުގެ ސަބަބުން މިހާތަނަށް 36،000 އަށް ވުރެން ގިނަ ފަލަސްތީނުގެ ރައްޔިތުން ވަނީ ޝަހީދުވެފައެވެ. އަދި މި ހަނގުރާމައާ ގުޅިގެން ފަލަސްތިނުގެ 2.3 މިލިއަން މީހުންގެ ގެދޮރުވަނީ ގެއްލިފައެވެ. އަދި މި އެންމެނަށް ކާއެއްޗެތި ފޯރުކޮށް ނުދެވުމުގެ ސަބަބުން އެމީހުންގެ ތެރެއިން ބައެއް މީހުން އަންނަނީ ބަނޑުހައިހޫނުކަމުގައި މަރުވަމުންނެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.