ގެއްލިގެން ހޯދަމުން ދިޔަ 14 އަހަރުގެ އާއިޝަތު ޒޯޔާ ފިކުރީ ފެނިފައިވާކަމަށް ފުލުހުން ހާމަކޮށްފިއެވެ. ފުލުހުން މިކަން ހާމަކޮށްފައިވަނީ ރޭގެ މެންދަމުން އަލިވެ 1 ޖެހިއިރުއެވެ.

ފުލުހުން އިތުރަށް ހާމަކޮށްފައިވާ ގޮތުގައި އެކުއްޖާ ފެނިފައިވަނީ މާލެއިންނެވެ. އަދި ފެނުނު އިރު ކުއްޖާގެ ހާލު ރަނގަޅެވެ.

މި މައްސަލައާ ގުޅިގެން އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.

ޒޯޔާ ގެއްލިގެން އޭނާ ހޯދުމަށް ފުލުހުން އިއުލާންކުރީ އިއްޔެއެވެ. ޒޯޔާ ނުފެނިގެން އާއިލާއިން ފުލުހުންނަށް ހުށަހެޅީ، މި މަހުގެ 21 ވަނަ ދުވަހުން ފެށިގެން އޭނާގެ އެއްވެސް ހަބަރެއް ނުވުމުންނެވެ.

ތ. މަޑިފުއްޓަށް ނިސްބަތްވާ ޒޯޔާ ދިރިއުޅެމުންދަނީ ވިލިމާލޭގައެވެ.