ސާދަ އަހަރުގެ އަންހެން ކުއްޖަކު އާއިލާއަށް ހަބަރެއްނުވެ ގެއްލިފައިވާތީ، އެ ކުއްޖާ ހޯދުމުގެ މަސައްކަތް ފުލުހުން ކުރަމުން އަންނަކަމަށް އެ އިދާރާއިން މިރޭ އިރާކޮޅު ހާމަކޮށްފިއެވެ. ގެއްލިގެން ހޯދަމުންދަނީ އާއިޝަތު ޒޯޔާ ފިކުރީ ނަމަކަށް ކިޔާ ކުއްޖެކެވެ.

އާއިލާއިން ފުލުހުންނަށް މައުލޫމާތުދީފައިވާ ގޮތުގައި، އެ ކުއްޖާ އެންމެ ފަހުން އާއިލާއަށް ފެނިފައިވަނީ މި ހިނގާ މެއި މަހުގެ 21 ވަނަ ދުވަހުއެވެ. ނަމަވެސް އޭގެ ފަހުން މިއަދަށް 4 ދުވަސްވީއިރު ވެސް އެ ކުއްޖާގެ އެއްވެސް ހަބަރެއް އާއިލާއަށް ލިބިފައެއް ނުވެއެވެ.

ތ. މަޑިފުއްޓަށް ނިސްބަތްވާ ޒޯޔާ މިހާރު ދިރިއުޅެމުންދަނީ ވިލިމާލޭގައެވެ. ޒޯޔާއާ ގުޅޭ އެއްވެސް މައުލޫމާތެއް ލިބިއްޖެނަމަ، ފުލުހުންގެ ހޮޓްލައިން 3322111 އަށް ނުވަތަ ވިލިމާލެ ޕޮލިސް ސްޓޭޝަނަށް އެންގުމަށް (ފޯނު މެދުވެރިކޮށްނަމަ 97900083) ފުލުހުންވަނީ އެދިފައެވެ.