ޔޫރަޕްގެ ތިން ޤައުމުކަމުގައިވާ އަޔަރލޭންޑް، ނޯވޭ އަދި ސްޕެއިން އިން ފަލަސްޠީން މިނިވަން ދައުލަތެއްގެ ގޮތުގައި ބަލައިގެންފިކަން މިއަދު އިއުލާނުކޮށްފިއެވެ.

އަޔަރލޭންޑް، ނޯވޭ އަދި ސްޕެއިން އިން ފަލަސްޠީނުގެ މިނިވަން ދައުަލަތް ޤަބޫލުކުރާކަން އިއުލާނު ކުރައްވައި، އަޔަރލޭންޑްގެ ބޮޑު ވަޒީރު ސިމޮން ހެރިސް ވިދާޅުވީ، އަދި ކުރިއަށް އޮތް ހަފުތާތަކުގެ ތެރޭގައި ދުނިޔޭގެ އެހެން ޤައުމުތަކުންވެސް ފަލަސްޠީނަކީ މިނިވަން ދައުލަތެއްގެ ގޮތުގައި ބަލައިގަންނާނެ ކަމަށެެވެ،

ޔޫރަަޕްގެ ތިން ޤައުމަކުން، މިއަދު ފަލަސްޠީނަކީ މިނިވަން ދައުލަތެއްގެ ގޮތުގައި ބަލައިގަންނަަކަން ޢިއުލާނު ކުރި އިރު މިހާރުވެސް، އދ.ގެ މެމްބަރު 193 ގައުމުގެ ތެރެއިން 142 ގައުމަކުން މިހާރުވެސް ފަލަސްތީނުގެ ދައުލަތެއް ގަބޫލުކުރެ އެވެ.

Advertisement

ފަލަސްޠީނުގެ މިނިވަން ދައުލަތް ޤަބޫލުކުރާކަން އަޔަރލޭންޑުން ޢިއުލާނު ކުރުމާއި އެކު އިޒްރޭލުން ވަނީ އެޤައުމުގައި ހުރި އިޒްރާއީލްގެ ސަފީރު އަނބުރާ ޤައުމަށް ގެނައުމަށް ނިންމާފައިވާ ކަންވެސް އިއުލާނުކޮށްފައެވެ.

ފަލަސްޠީނުގެ މައްސަލައަށް އޮތީ ދެދައުލަތުގެ ހައްލު ކަމުގައި ދުނިޔޭގެ ޤައުމުތަކުން ޤަބޫލު ކުރެއެވެ. މިގޮތުން 1967 ވަނަ އަހަރު ކަނޑައަޅާފައިވާ ބޯޑަރާއި ހަމައަށް އިޒްރާއީލް ފަހަތަށް ޖެހުމަށާއި، ހިފާފައިވާ ބިންތަކުން ފޭބުމަށާއި، ފަލަސްޠީނުގެ ދައުލަތުގެ ވެރިރަށަކީ އިރުމަތީ ޤުދުސް ކަމުގައި ހަމަޖެއްސުމަށް ފަލަސްޠީނުގެ ދައުލަތް ޤަބޫލު ކުރާ ފަރާތްތަކުން ދަނީ ގޮވާލަމުންނެވެ.

ފަލަސްޠީނުގެ ބިމުގައި އިޒްރާއީލުގައި އުއްފައްދާފައިވާ ޔަހޫދީ ދައުލަތަކީ، ދެވަނަ ބޮޑު ހަނގުރާމައަށް ފަހުގައި ޔޫރަޕުން ބޭރުކޮށްލި ޒަޔަނިސްޓުން އިނގިރޭސީންނާއި އެމެރިކާގެ އެހީއާއި އެކު، މެދު އިރުމަތީގައި އެޤައުމުގެ ބާރު ދެމެހެއްޓުމަށާއި، މެދު އިރުމަތީގައިވާ ތެލާއި ގޭހުގެ މުއްސަނދިކަމުގެ މައްޗަށް އަތް ގަދަ ކުރުމަށް އުފެއްދި ދައުލަތެކެވެ. ސަޙްޔޫނީ އިޒްރާއީލުން ވަނީ، ފާއިތުވި 75 އަހަރުގެ ތެރޭގައި ފަލަސްޠީނުގެ ރައްޔިތުންނާއި ދެކޮޅަށް އެތައް ޤަޠުލްޢާއްމުތަކެއް ހިންގާފައެވެ.