ބަނޑޭރި ކޮށީ ގެއެއްގެ ތެރޭގައި މަރުވެފައި އޮއްވައި ފެނުނު މީހާގެ ހަށިގަނޑު ޕޯސްޓް މޯޓަމް ހެދުމަށް މިއަދު އިންޑިއާއަށް ފޮނުވާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

މިމަހުގެ 13 ވަނަ ދުވަހު ބަނޑޭރިކޮށީގައި މަރުވެފައި އޮއްވައި ފެނުނު،  އެމީހާވެސް ފެނިފައި ވަނީ މަރުވެ ކުނިވެފައި އޮއްވައެވެ. ބަނޑޭރިކޮށީގެ ގެއެއްގެ ތެރޭގައި މަރުވެފައި އޮއްވައި ފެނުނު މީހަކީ، ގދ. ހޯޑެއްދޫ ވިލިގިނލީގޭ، ހައްމާދު ސަޢީދު (30އ) ކަމުގައި ފުލުހުން ވަނީ ވިދާޅުވެފައެވެ.

އޭނާއަކީ، އުމުރު ދުވަހުގެ ޖަލު ޙުކުމެއް ތަންފީޒް ކުރަމުން ދަނިކޮށް މަޢާފްދެއްވައި މިދިޔަ އަހަރު ދޫކޮށްލާފައިވާ މީހެއް ކަމުގައި ބައެއް މަސްދަރުތަކުން ބުނެފައިވެއެވެ.