މ. ރަބީޢުވިލާ ގްރައުންޑް ފްލޯގައި މަރުވެފައި އޮއްވައި ފެނުނު މީހަކީ، މިމަހުގެ 16 ވަނަ ދުވަހުންފެށިގެން އާއިލާއަށް ގެއްލިފައިވާ، މއ. ބޯޅަކިންކިރިމާގެ، އަޙްމަދު އައިމަން (30އ) ފުލުހުން ކަށަވަރުކޮށްދީފިއެވެ.

ފުލުހުން ވިދާޅުވީ އެމައްސލަ ތަޙްޤީޤު ކުރަމުންދާ ކަމަށެވެ. އައިމަންގެ މަރުވެފައިވާ ހަށިގަނޑު މިއަދު ފެނުނު އިރު އާއިލާއިން އޭނާ ގެއަށް ނާންނާތީ، ގެއްލިފައިވާ ކަމަށް ފުލުހުންނަށް ރިޕޯޓްކުރީވެސް މިއަދު ކަމަށް މައުލޫމާތު ލިބިފައިވެއެވެ.

އައިމަން އެގޭތެރޭގައި މަރުވެފައި އޮއްވައި ފެނިފައި ވަނީ، މިއަދު 14:20 ހާއިރުގައެވެ. އޭނާގެ މަރުވެފައިވާ ހަށިގަނޑު ފެނިގެން ފުލުހުންނަށް ރިޕޯޓްކޮށްފައި ވަނީ އާއްމު ބައެކެވެ. ފެނުނު އިރު ހަށިގަނޑު އޮތީ ކުނިވެފައި ކަމަށް މައުލޫމާތު ލިބިފައިވެއެވެ.

އައިމަންގެ ހަށިގަނޑު ފެނުނު ގެއަކީ، ފަޅަށް ހުންނަތާ ގިނަ ދުވަސްތަކެއް ވެފައިވާ ގެއެކެވެ.