މާލެ ސަރަހައްދަށް ކުރަމުންދާ ވިއްސާރާގައި ހުޅުމާލެ ފޭސް 1ގައި އިމާރާތް ކުރަމުންދާ އެޕޯލޯޓަވަރުގެ މަތީގައި ޖަހާފައިވާ ފެންސްތައް ވެއްޓެމުންދާތީ، ހުޅުމާލެ ރީތިގަސް މަގު އާއްމު ޓްރެފިކަށް ބަންދުކޮށްފިއެވެ.

ފުލުހުންގެ އިދާރާއިން ވިދާޅުވީ، އެސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ.

ހުޅުމާލެ ފޭސް 1 ގެ ރީތިގަސް މަގަށް ވާގޮތަށް އިމާރާތް ކުރަމުން އަންނަ އެޕޯލޯޓަވަރުގެ އިމާރާތް ކުރުމުގެ މަސައްކަތަށް ޖަހާފައިވާ ސޭފްޓީ ފެންސާއި، އެފެންސް ޖެހުމަށް ބޭނުންކޮށްފައިވާ ދަގަނޑުހޮޅިތައް ވެއްޓުނީ، އިރު އޮއްސުނު ވަގުތު ޖެހުނު ކޮޅިގަނޑުގައެވެ. 

މުޅި ރާއްޖެއަށް މޫސުމް ގޯސްވުމުގެ ސަބަބުން މިރޭގެ 12:00 އާއި ހަމައަށް މުޅި ރާއްޖެއަށް އޮތީ ވައިޓް އެލާޓް ނެރެފައެވެ.