ކޮޅުމަޑުލު މަޑިފުއްޓަށް މަސްތުވާ ތަކެތި ގެންދިޔަ މީހެއްގެ މައްޗަށް ކުށް ސާބިތުވެ އޭނާ އުމުރަށް ޖަލަށް ލުމަށް މަޑިފުށީ މެޖިސްޓްރޭޓް ކޯޓުން ޙުކުމްކޮށްފިއެވެ.

ފުލުހުންގެ އިދާރާއިން ވިދާޅުވީ، 2024 ފެބްރުވަރީ 05 ވަނަ ދުވަހުގެ ވަގުތެއްގައި ތ.މަޑިފުށި / ދޮންވެލި، ޙުސައިން ޝަރޫން ތ.މަޑިފުއްޓަށް މަސްތުވާތަކެތި އެތެރެކުރާކަމަށްބުނެ ލިބުނު މަޢުލޫމާތަކާއި ގުޅިގެން ތ.މަޑިފުށި ބަނދަރުމަތިން ޙުސައިން ޝަރޫން ހުއްޓުވައި ބަލާފާސްކުރި އިރު އޭނާގެ އަތުން މަސްތުވާތަކެތި ފެނިފައިވާ ކަމަށެވެ.

އަދި އެމައްސަލައގައި ތ.މަޑިފުށި / ދޮންވެލި، ޙުސައިން ޝަރޫން، ގެ މައްޗަށް ދައުލަތުން އުފުލި، ދައުވާ ސާބިތުވެ، ޙުސައިން ޝަރޫން 27 އަހަރާއި 11 މަހާއި 20 ދުވަހަށް ޖަލަށް ލުމަށް ތ. މަޑިފުށި މެޖިސްޓްރޭޓް ކޯޓުން ބުރާސްފަތި ދުވަހު ވަނީ ޙުކުމްކޮށްފައެވެ.