ހުޅުމާލޭގައި ވެހިކަލެއްގެ ތެރޭގައި މަރުވެފައި އޮތް މީހާގެ މަރާއި މެދު ތުހުމަތު ކުރެވޭ ކަމެއް ނެތް ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

އިއްޔެ މެންދުރުފަހު ހުޅުމާލޭގައި، އޮޓާ މޯލްޑިވްސް ޕްރައިވެޓް ލިމިޓެޑްގެ ވޭނެއްގެ ތެރޭގައި ޑްރައިވަރު މަރުވެފައި ވަނިކޮށް ވަނީ ފެނިފައެވެ. އެހާދިސާ ފުލުހުންށް ރިޕޯޓްކޮށްފައި ވަނީ މެންދުރުފަހު 15:30 ހާއިރުގައި އާއްމުންގެ މީހެކެވެ.

ފުލުުުހުން ވިދާޅުވީ، މަރުވި މީހާއަކީ ބަނގުލަދޭޝް މީހެއް ކަމަށެވެ. އަދި އެމީހާ ހޮސްޕިޓަލަށް ގެންދިޔައިރުވެސް އޮތީ މަރުވެފައެވެ.

މީގެ އިތުރުން އަންގާރަ ދުވަހު، މާލޭ ބަނޑޭރިކޮށީގައި ހުރި ގެއެއްގެ ތެރެއިން މަރުވެފައި އޮއްވައި ފެނުނު މީހާގެ ހަށިގަނޑު ޕޯސްޓްމޯޓަމް ހެދުމަށް ފޮނުވުމުގެ މަސައްކަތް ކުރަމުން އަންނަ ކަމުގައިވެސް މިއަދު ފުލުހުން ވަނީ ބުނެފައެވެ.