Advertisement
ވެލާނާ އެއާޕޯޓުގެ އައު ޕެސެންޖަރ ޓަރމިނަލް --
އެއާލައިން މުވައްޒަފަކަށް ހަމަލާދިން ބިދޭސީ ފަސިންޖަރަކު ހައްޔަރުކޮށްފި
ވެލާނާ އިންޓަރނޭޝަަނަލް އެއާޕޯޓުގެ އިންޓަރނޭޝަނަލް ޕެސެންޖަރ ޓަރމިނަލްގެ ތެރޭގައި އެއާލައިން މުވައްޒަފަކަށް ހަމަލާދީ މާރާމާރީ ހިންގި ބިދޭސީ ފަސިންޖަރަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، މިއަދު ހެނދުނު ހިނގި މިމާރާމާރީ އާއި ގުޅިގެން ތުހުމަތު ކުރެވޭ މީހާ ހައްޔަރުކޮށް މައްސަލަ ތަޙްޤީޤު ކުރަން ފަށާފައިވާ ކަމަށެވެ.
މިމައްސަލައިގައި ތުހުމަތު ކުރެވޭ މީހާ ހައްޔަރުކޮށްފައިވާ ކަމަށް ބުނުން ފިޔަވައި އިތުރު މައުލޫމާތެއް ފުލުހުން ހާމައެއް ނުކުރެއެވެ. އެނގިފައިވާ ގޮތުގައި ބިދޭސީ މީހާ އެއާލައިން މުވައްޒަފަށް ހަމަލާދިނީ ކަމަކާއި މެދު ހިތް ހަމަ ނުޖެހިގެންނެވެ. އަދި އެމާރާމާރީ ހިނގި ވަގުތު ނަގާފައި ވީޑިއޯއެއް ސޯޝަލް މީޑިއާގައި ދައުރުވަމުންދާއިރު، އެ މީހާ ދެ މުވައްޒަފަކަށް ހަމަލާދޭ މަންޒަރު ވީޑިއޯއިން ފެނެއެވެ.
