ހޮނިހިރު ދުވަހު ބޭއްވި ކައުންސިލް ތަކުގެ ބައި އިލެކްޝަންތަކުގައި ވޯޓުލާފައި ވަނީ، %57 މީހުން ކަމުގައި އިލެކްޝަންސް ކޮމިޝަނުން ހާމަކުރައްވައިފިއެވެ.

އިލެކްޝަންސް ކޮމިޝަނުން ހާމަކޮށްފައިވާ ތަފާސް ހިސާބުގައި ވާގޮތުން، މިއަދު ބޭއްވި 6 ބައި-އިލެކްޝަންގައި, 5,167 މީހުންނަށް ވޯޓުލުމުގެ ޙައްޤު ލިބިފައި ވެއެވެ. އެހެން ނަމަވެސް ވޯޓު ލާފައި ވަނީ، 3048 މީހުންނެވެ.  އެއީ 1486 ފިރިހެނުންނާއި 1562 އަންހެނުންނެވެ.

ކައުންސިލް އިންތިޚާބުގައި ވޯޓު ދިނުމުގެ ހައްޤު ލިބިފައިވާ މީހުންގެ ނިސްބަތުން އެންމެ މަދުން މީހުން ވޯޓުލުމުގައި ބައިވެރިވެފައި ވަނީ، ނ. ވެލިދޫ ކައުންސިލްގެ ބައި-އިލެކްޝަންގައެވެ. އެ ބައި- އިލެކްޝަންގައި ވޯޓު ދިނުމުގެ ހައްޤުލިބިގެންވާ 1982 މީހުން ތިބި އިރު، ވޯޓުލާފަިއި ވަނީ 1009 މީހުންނެވެ. އެއީ ވޯޓު ދިނުމުގެ ހައްޤު ލިބިފައިވާ މީހުންގެ %50.91 އެވެ.

އިލެކްޝަންސް ކޮމިޝަނުންވެސް ފާހަގަކުރައްވާ ގޮތުގައި ކައުންސިލް އިންތިޚާބުތަކުގައި ވޯޓުދޭ މީހުންގެ އަދަދު މަދެވެ. އަދި ބައި އިލެކްޝަންސްތަކުގައިވެސް ވޯޓުދޭ މީހުންގެ ނިސްބަތްވެސް މަދެވެ.