ހަރަށެއްގެ ކައުންސިލްތަކުން ހުސްވެފައިވާ ގޮނޑިތަކަށް މެމްބަރުން އިންތިޚާބު ކުރުމަށް ބޭއްވި ބައި-އިލެކްޝަންތަކުގައި 4 ގޮނޑިއެއް ޕީއެންސީން ކާމިޔާބުކޮށްފިއެވެ.

މިގޮތުން ޕީއެންސީން ކާމިޔާބުކޮށްފައި ވަނީ،  އުތީމު، ތަކަންދޫ، ވެލިދޫ އަދި އިންނަމާދޫގެ ކައުންސިލްގެ ގޮނޑިތަކެވެ.

މިގޮތުން، އުތީމު ކައުންސިލުން ހުސްވެފައިވާ ގޮނޑިއަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 204 ވޯޓު ހޯދައިގެން، ގޮނޑި ކާމިޔާބުކޮށްފައި ވަނީ، ޕީއެންސީގެ ޓިކެޓްގަިއ ވާދަކުރި، އިބްރާހީމް ސުނާނެވެ. އެމްޑީޕީގެ ޓިކެޓްގައި ވާދަކުރި މުހައްމަދު އައުފްއަށް ލިބުނީ، 199 ވޯޓެވެ.

ނ. ވެލިދޫ ކައުންސިލުން ހުސްވެފައިވާ ގޮނޑިއަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 549 ވޯޓު ހޯދައިގެން، ގޮނޑި ކާމިޔާބުކޮށްފައި ވަނީ، ޕީއެންސީގެ ޓިކެޓްގަިއ ވާދަކުރި، ޢަބުދުﷲ ޢަބްދުއްރައްޒާޤެވެ. އެމްޑީޕީގެ ޓިކެޓްގައި ވާދަކުރި އާމިނަތު ޝިފާޒާއަށް ލިބުނީ، 449 ވޯޓެވެ.

ހއ ތަކަންދޫ ކައުންސިލުން ހުސްވެފައިވާ އަންހެން މެމްބަރުގެ ގޮނޑިއަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 207 ވޯޓު ހޯދައިގެން، ގޮނޑި ކާމިޔާބުކޮށްފައި ވަނީ، ޕީއެންސީގެ ޓިކެޓްގަިއ ވާދަކުރި، ސަމީނާ މުޙައްމަދެވެ. އެމްޑީޕީގެ ޓިކެޓްގައި ވާދަކުރި ރަޙްމާ ޢަބުދުﷲއަށް ލިބުނީ، 174 ވޯޓެވެ.

ރ. އިންނަމާދޫ ކައުންސިލުން ހުސްވެފައިވާ އަންހެން މެމްބަރުގެ ގޮނޑިއަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 243 ވޯޓު ހޯދައިގެން، ގޮނޑި ކާމިޔާބުކޮށްފައި ވަނީ، ޕީއެންސީގެ ޓިކެޓްގަިއ ވާދަކުރި، ޢާއިޝަތު ސަމްޙާއެވެ. އެމްޑީޕީގެ ޓިކެޓްގައި ވާދަކުރި ފާތިމަތު ސަމްޙާއަށް ލިބުނީ، 78 ވޯޓެވެ.

މިއަދު ބޭއްވި ބައި އިލެކްޝަންތަކުގައި އެމްޑީޕީން އެއް ގޮނޑި އަދި ދަ ޑިމޮކްރެޓްސްއިން އެއް ގޮނޑި ކާމިޔާބުކޮށްފައި ވެއެވެ. މިގޮތުން ނ. ލަންދޫ ކައުންސިލުން ހުސްވެފައިވާ ގޮނޑިއަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 303 ވޯޓު ހޯދައިގެން، ގޮނޑި ކާމިޔާބުކޮށްފައި ވަނީ، އެމްޑީޕީފެ ޓިކެޓްގަިއ ވާދަކުރި، ޢަބުދުﷲ ޢާރިފެވެ. ޕީއެންސީގެ ޓިކެޓްގައި ވާދަކުރި މުޙައްމަދު ޝުޖާޢު ލިބުނީ، 271 ވޯޓެވެ.

މި ބައި އިލެކްޝަންތަކުގައި ދަ ޑިމޮކްރެޓްސްއަށް ކާމިޔާބު ކުރެވިފައި ވަނީ، މ. މަޑުއްވަރީ ކައުންސިލްގެ ގޮނޑިއެކެވެ. އެއީ އެކައުންސިލްގެ ރައީސްގެ ގޮނޑިއެވެ. 

މ މަޑުއްވަރީ ކައުންސިލުން ހުސްވެފައިވާ ރައީސް ކަމުގެ މަޤާމަށް މެމްބަރަކު ހޮވުމަށް މިއަދު ބޭއްވި ބައި އިލެކްޝަންގައި، 194 ވޯޓު ހޯދައިގެން، އެ ގޮނޑި ކާމިޔާބުކޮށްފައި ވަނީ، ދަ ޑިމޮކްރެޓްސްގެ ޓިކެޓްގައި ވާދަކުރި، މުޙައްމަދު ޢާޡިމް ޢަލީއެވެ. ޕީއެންސީގެ ޓިކެޓްގައި ވާދަކުރި ޢަބުދުﷲ ޢަލީއަށް ލިބުނީ، 144 ވޯޓެވެ.