ހަ ރަށެއްގެ ކައުންސިލްތަކަށް މެމްބަރުން ހޮވުމަށް ބައި-އިލެކްޝަން ތަކުގެ ވޯޓުލުން ފަށައިފިއެވެ.

އިލެކްޝަންސް ކޮމިޝަނުން ހާމަކުރައްވާފައިވާ ގޮތުގައި މިއަދު ކުރިޔަށް ދަނީ، މ. މަޑުއްވަރީ ކައުންސިލްގެ ރައީސް، ހއ. އުތީމު، ނ. ލަންދޫ، ނ. ވެލިދޫ ކައުންސިލްގެ މެންބަރު އަދި ހއ. ތަކަންދޫ، ރ. އިންނަމާދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި އިލެކްޝަންސް ތަކުގެ ވޯޓު ނެގުމެވެ. 

މި އިންތިޚާބުގެ ވޯޓު ނެގުން ކުރިޔަށް ގެންދިޔުމަށް 11 ވޯޓު ފޮއްޓެއް ވަނީ ބަހައްޓާފައެވެ. އޭގެ ތެެރެއިން 3 ވޯޓުފޮއްޓެއް ބަހައްޓާފައި ވަނީ މާލޭގައެވެ.

އިލެކްޝަންސް ކޮމިޝަނުން ވިދާޅުވީ، ހެނދުނު 8:10ގެ ކުރިން ހުރިހާ ރަށެއްގައިވެސް ވޯޓުލުން ފެށިފައިވާ ކަމަށެވެ.

މި ބައި އިލެކްޝަންގައި، 5000 ވުރެ ގިނަ މީހުންނަށް ވޯޓު ދިނުމުގެ ހައްޤު ލިބިފައިވީ ނަމަވެސް ވޯޓުލާން ފެށިތާ ފުރަތަމަ ދެ ގަޑިއިރުގެ ތެރޭގައި ވޯޓުލާފައި ވަނީ އެންމެ 626 މީހުންނެވެ. މި ބައި-އިލެކްޝަންސް ތަކުގެ ވޯޓު ނެގުން ކުރިޔަށްދާނީ މިއަދުގެ ހަވީރު 4:00 އާއި ހަމައަށެވެ.