އުމުރުން 12 އަހަރުގެ ކުޑަ އަންހެންކުއްޖަކަށް ޖިންސީ ގޯނާ ކުރި މައްސަލައެއްގައި އުމުރުން 61 އަހަރުގެ ދިވެހި ފިރިހެނަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ އެމީހާ ހައްޔަރުކޮށް، ތަޙްޤީޤު ނިމެންދެން ބަންދުކޮށްފައިވާ ކަމަށެވެ. ފުލުހުންގެ އިދާރާއިން ބުނެފައި ވަނީ، ކުޑަކުއްޖާއަށް ޖިންސީ ގޯނާކުރުމުގެ މައްސަލަ ފުލުހުންނަށް ހުށައަޅާފައި ވަނީ، މިދިޔަ އާދީއްތަ ދުވަހުގައި ކަމަށެވެ.

މިކަން ހިނގާފައިވާނީ ރާއްޖޭގެ އެންމެ ދެކުނުގެ ހަތަރު އަތޮޅުގައި ހިމެނޭ ރަށެއްގައެވެ.

Advertisement

ކުޑަކުދިންނަށް ޖިންސީ ގޯނާ ކުރުމުގެ މައްސަލަތަކަކީ، ރާއްޖޭގައި ބޮޑެތި އަދަބުތައް ކަނޑައެޅިފައިވާ ކުށެކެވެ. އަދި ކުޑަކުދިންނަށް ޖިންސީ ގޯނާ ކުރާ މީހުންގެ މައުލޫމާތު ހިމެނޭ ދަފްތަރެއްވެސް އާއްމުކޮށް ފެންނާނޭހެން ޝާއިޢުކޮށްފައި ވެއެވެ.