މެދުރާއްޖެތެރޭގެ އަތޮޅެއްގެ ރަށަކުން އެކަނި ލޯންޗެއްގައި މާލެއަށް ދަތުރުކޮށްފައި އައި 14 އަހަރުގެ ކުޑަ ފިރިހެންކުއްޖާ ހޯދައި އާއިލާ އާއި ހަވާލުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، އެމައްސަލައިގައި ބެލި ބެލުމުން މެދުރާއްޖެތެރޭގެ އަތޮޅެއްގެ ރަށަަކުން ގެއްލުނުކަމަށް ރިޕޯޓްކޮށްފައިވާ، ލޯންޗުގައި މާލެއަށް ދަތުރުކޮށްފައި ވަނީ 14 އަހަރުގެ ފިރިހެން ކުއްޖާއެވެ. އެކުއްޖާ މާލެއައި ފަހުން އެކުއްޖާ ލޯބިވެގެން އުޅޭ 13 އަހަރުގެ ކުޑަ އަންހެން ކުއްޖަކުވެސް ހުޅުމާލެއިން އާއިލާއަށް ގެއްލިގެން ފުލުހުންނަށް ރިޕޯޓްކޮށްފައި ވެއެވެ. ފުލުހުންގެ އިދާރާއިން ވިދާޅުވީ އެކުޑަ އަންހެންކުއްޖާވެސް ހޯދިފައި ވާކަމަށާއި، ފެނުނު އިރު އެކުއްޖާގެ ހާލުވެސް ރަނގަޅު ކަމަށެވެ.

ފުލުހުން ވިދާޅުވީ އެމައްސަލަތައް ތަޙްޤީޤު ކުރަމުންދާ ކަމަށެވެ.

Advertisement