Advertisement
މޯލްޑިވްސް ޕޮލިސް ސަރވިސް --
ކުށަށް އަރައިގަތުމަށް ބޭނުން ކުރަމުން ދިޔަ އިތުރު ޓެލެގްރާމް ޗެނަލެއް ފުލުހުންގެ ބާރުގެ ދަށަށް ގެންގޮސްފި
"އެމްވީ ކޯލް ގާލްސް" ގެ ނަމުގައި ކުށަށް އަރައިގަތުމަށް ބޭނުންކުރަމުން ދިޔަ ޓެލެގްރާމް ޗެނަލެއް ފުލުހުންގެ ބާރުގެ ދަށަށް ގެންގޮސްފިއެވެ.
ފުލުހުންގެ އިދާރާއިން ވިދާޅުވީ، ކުށަށް އަރައިގަތުމަށް ބޭނުން ކުރަމުން އައި އެ ޓެލެގްރާމް ޗެނަލް ފުލުހުންގެ ބެލުމުގެ ދަށަށް ގެންދިޔުމަށްފަހުގައި އެކަމާއި ގުޅުންހުރި މައްސަލަތައް ތަޙްޤީޤުކުރަން ފަށާފައިވާކަމަށެވެ. އެނގިފައިވާ ގޮތުގައި އެޓެލެގްރާމް ޗެނަލް ފުލުހުންގެ ބާރުގެ ދަށަށް ގެންދިޔައިރު އެގްރޫޕުގައި 1500 ވުރެ ގިނަ މީހުން ސަބްސްކްރައިބްކޮށްފައިވެއެވެ.
މީގެ ކުރިންވެސް ފުލުހުން ވަނީ ޓެލެގްރާމް ޗެނަލް ހަދައިގެން ބޮޑެތި ކުށްތަކަށް އަރައިގަންނަމުން ދިޔަ ނެޓްވޯކެއް އަތުލައިގެންގައެވެ. އަދި އެމައްސަލައިގައި ދެ މީހަކު ހައްޔަރުކޮށް ވަނީ ތަޙްޤީޤުތައްވެސް ފަށާފައެވެ.
