ފުވައްމުލަކުގައި ރޭ ދެ އެކްސިޑެންޓެއް ހިނގައި 4 މީހަކަށް އަނިޔާވެފަިއވާ ކަމަށާއި އޭގެ ތެރެއިން އެކެއްގެ ހާލަތު ސީރިއަސް ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ރޭ ފުވައްމުލަކުގައި ފުރަތަމަ އެކްސިޑެންޓް ހިނގާފައި ވަނީ ދެ ސައިކަލެއް ޖެހިގެންކަމަށެވެ. އެ އެކްސިޑެންޓް ފުލުހުންނަށް ރިޕޯޓްކޮށްފައި ވަނީ ރޭގެ 22:48 ގައެވެ. ދެސައިކަލު ޖެހިގެން ހިނގި މިއެކްސިޑެންޓްގައި ތިން މީހަކަށް ވަނީ އަނިޔާވެފައެވެ. އޭގެ ތެރެއިން އެކެއްގެ ހާލު ސީރިއަސް ކަމަށާއި އޭނާއަށް ފުވައްމުލައް ހޮސްޕިޓަލްގެ އައިސީޔޫގަިއ ފަރުވާދެމުން އަންނަ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުުލުހުންގެ އިދާރާއިން ވިދާޅުވީ، ފުވައްމުލަކުގައި ރޭގައި ދެވަނަ އެކްސިޑެންޓެއް ހިނގާފައި ވަނީ މީހަކު ސައިކަލަކުން ވެއްޓިގެން ކަމަށެވެ. އެހާދިސާ ހިނގާފައި ވަނީ، ފުވައްމުލައް ސިޓީގެ އެއަރޕޯރޓް ސަރަހައްދުގައި ހަރުކޮށްފައިވާ ގިޑިގެއެއްގެ ބައެއް ނެއްޓިފައިވަނިކޮށް ބާރަށް ދުއްވާފައި އައި ސައިކަލެއް އެތަނުން ނެއްޓިގެން ދާން މަސައްކަތްކުރުމުގެ ތެރޭގައި ސައިކަލް ކަހާލައިގެން ވެއްޓުމުގެ ސަބަބުމުންނެވެ. މިހާދިސާގައި ސައިކަލް ދުއްވި އުމުރުން 27 އަހަރުގެ މީހަކަށް އަނިޔާވެގެން ފުވައްމުލައް ހޮސްޕިޓަލުގައި ފަރުވާ ދެމެންދާކަމުގައިވެސް ފުލުހުންގެ އިދާރާއިން ވިދާޅުވިއެވެ.