ދިވެހި ފުލުހުންގެ ޚިދުމަތާ އަލަށް ގުޅުނު ފުލުހުން ހުވާކުރުމުގެ ރަސްމިއްޔާތު ބާއްވައިފިއެވެ.

މިރަސްމިއްޔާތު ބާއްވާފައި ވަނީ މިއަދު ފުލުހުންގެ މަރުކަޒު އިސްކަންދަރު ބިލްޑިންގގައެވެ. އަލަށް ޚިދުމަތާއި ގުޅުނު ފުލުހުންނަށް ހުވާލައިދެއްވީ، ހައިކޯޓުގެ ފަނޑިޔާރު ޢަލްއުސްތާޒު މުޙައްމަދު ފައިޞަލްއެވެ.

ފުލުހުންގެ އިދާރާއިން ވިދާޅުވީ، މިއަދު ހުވާކޮށްފައި ވަނީ، އަލަށް ފުލުހުންގެ ޚިދުމަތާއި ގުޅުނު، 99 ފުލުހުން ކަމަށެވެ. އޭގެ ތެރޭގައި ހިމެނެނީ، 27 އަންހެން ފުލުހުންނާއި، 51 ފިރިހެން ފުލުހުންގެ އިތުރުން، ސްޕެޝަލް ކޮންޓަބިއުލަރީ އަންހެން 10 ފުލުހުންނާއި ފިރިހެން 11 ފުލުހުންނެވެ.

ފުލުހުންގެ ހުވާކުރުމަށް ފަހުގައި ވަނީ، ހުރިހާ ފުލުހުންވެސް ވަނީ ހުވާގެ އިޤުރާރުގައި ސޮއެކޮށްފައެވެ.

ފުލުހުންގެ ހުވާކުރުމުގެ ރަސްމިއްޔާތުގައި، ފުލުހުންގެ އިސްވެރިން ވަނީ ބައިވެރިވެފައެވެ.