Advertisement
ސެންޓްރަލް ޕާކުގެ ތެރެއަށް ފުރޮޅާލި ކާރު ---
ހުޅުމާލޭގައި ބާރު ސްޕީޑުގައި ދުއްވި ކާރެއް ފުރޮޅާލައި މީހަކަށް އަނިޔާވެއްޖެ
ހުޅުމާލެ ސެންޓްރަލް ޕާކު މަގުގައި ބާރު ސްޕީޑުގައި ދުއްވި ކާރެއް ކޮންޓްރޯލް ނުވެ ގޮސް ފުރޮޅާލައިފިއެވެ.
ޕާކުގެ އަރިމަތީގައި ޖެހި ކާރު ފުރޮޅާފައި ވަނީ ސެންޓްރަލް ޕާކުގެ ގަސްތަކުގެ ތެރެއަށެވެ.
ފުލުހުންގެ އިދާރާއިން ވިދާޅުވީ، މިހާދިސާގައި ކާރުގެ ފަހަތު ޝީޓުގައި އިން އަންހެނަކަށް އަނިޔާވެ ހޮސްޕިޓަލްގައި ފަރުވާ ދެމުން އަންނަ ކަމަށެވެ. ފުލުހުންގެ އިދާރާއިން ވިދާޅުވެފައިވާ ގޮތުގައި މިހާދިސާ ފުލުހުންނަށް ރިޕޯޓްކޮށްފައި ވަނީ މިއަދު ފަތިހު 5:35 ހާއިރުގައެވެ.
ފުލުހުންގެ އިދާރާއިން ވިދާޅުވީ މިހާދިސާ އާއި ގުޅިގެން ކާރު ދުއްވި މީހާގެ ލައިސަންސް ހިފަހައްޓާފައި ވާކަމަށާއި، އަދި ކާރު ޓޯވކޮށް މައްސަލަ ތަޙްޤީޤު ކުރަމުންދާ ކަމަށެވެ. ބާރު ސްޕީޑުގައި ދުއްވާފައި ދަނިކޮށް ކޮންޓްރޯލް ނުވެ ފުރޮޅާލާފައި ވަނީ ޕްރައިވެޓް ކާރެކެވެ.
