​މަސްތުވާތަކެތިކަމަށް ޝައްކު ކުރެވޭ ބުލެޓްތަކެއް ހަށިގަނޑުގެ ތެރޭގައި ފޮރުވައިގެން އުޅޭ ކަމަށް ތުހުމަތު ކުރެވި ފުލުހުންގެ ބެލުމުގެ ދަށަށް ގެންދިޔަ މީހެއްގެ ހާލު ދެރަވެ އައިޖީއެމް ހޮސްޕިޓަލްގައި ފަރުވާ ދެމުންދާކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ އެމީހާއަކީ، ޕެޓްރޯލް ކުރަމުން ދިޔަ ފުލުހުންނަށް ފެނިގެން އޭނާ އާއި މެދު ޝައްކު ކުރެވިގެން ފުލުހުންގެ ބެލުމުގެ ދަށަށް ގެންދިޔަ ދިވެހި ފިރިހެނެއް ކަމަށެވެ. ޢަދި އެކަމުގެ މައުލޫމާތު އޭނާގެ އާއިލާއާއިވެސް ވަނީ ޙިއްޞާކުރެވިފައި ކަމުގައި ދިވެހި ފުލުހުންގެ ޚިދުމަތުން ވަނީ ވިދާޅުވެފައެވެ.

ފުލުހުން ވިދާޅުވީ އެމައްސަލަ އާއި ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.