އިލެކްޝަން ކޮމިޝަނުން އާންމުކުރި އެންމެ ފަހުގެ މައުލޫމާތުތައް ދައްކާ ގޮތުން، ހަވީރު 4:00 އާއި 5:00 އާއި ދެމެދު އެންމެ ގިނައިން ވޯޓުލާން ނިކުމެފައިވަނީ އަންހެނުންނެވެ. އެގޮތުން، މި ވަގުތުގެ ތެރޭގައި 14،637 އަންހެނުން ވޯޓު ލާފާވާއިރު، ހަމަ ވި ވަގުތުގެ ތެރޭގައި 11،650 ފިރިހެނުން ވޯޓު ލާފައިވެއެވެ. 

މިއީ އެއް ގަޑިއިރު ތެރޭގައި އެންމެ ގިނަ އަންހެން ބޭފުޅުން ވޯޓުލާން ނިކުމެފައިވާ ވަގުތުކަން ފާހަގަ ކުރެވެއެވެ.

އިލެކްޝަން ކޮމިޝަނުން ސޯޝަލް މީޑިއާގައި އާންމުކުރި ޕޯސްޓެއްގައި ވާގޮތުން، ހަވީރު 5 ޖެހުމާއި ހަމައަށް ވޯޓު ލާފައިވަނީ ޖުމްލަ 207،693 މީހުންނެވެ. އެއީ ޖުމްލަ 102،867 އަންހެނުންނާއި، 104،826 ފިރިހެނުންނެވެ. 

މި އިންތިހާބުގައި ވޯޓު ލުމުގެ ހައްގު ޖުމްލަ 284،663 މީހުނަށް ލިބިފައިވާއިރު، އިލެކްޝަން ކޮމިޝަނުގެ އެންމެ ފަހުގެ އަދާހަމަ މައުލޫމާތު ބުނާގޮތުން، މިހާތަނަށް %72.96 މީހުން މިވަނީ ވޯޓުލާފައެވެ.

މި ވަގުތާ ހަމައަށް ވޯޓު އަދި ވޯޓުލާފައި ނުވަނީ 103،257 މީހުންނެވެ. އެއީ ވޯޓު ލުމުގެ ހައްގު ލިބިފައިވާ މީހުންގެ 27.04% މީހުންނެވެ.

ހަވީރު 5:30 ވުމާއެކީ މިހާރުވަނީ ކިއުތައް ބަންދުކޮށްފައިކަމަށް އިލެކްޝަން ކޮމިޝަނުން މައުލޫމާތު ދެއެވެ.