މިއަދު ކުރިޔަށްދާ ރައްޔިތުންގެ މަޖިލިސް އިންތިޚާބުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވޯޓު ލައްވައިފިއެވެ.

ޖަމާލުއްދީން ސްކޫލުގައި ބަހައްޓާފައިވާ ހިންނަވަރު ދާއިރާގެ ފޮއްޓަށް ވޯޓު ލެއްވުމަށްފަހުގައި ރައީސް ޞާލިޙް ވަނީ ނޫސްވެރިންނާއި ބައްދަލު ކުރައްވައި ވާހަކަފުޅު ދައްކަވާފައެވެ.

ރައީސް ޞާލިޙްގެ ވާހަކަފުޅުގައި، ހުރިހާ ރައްޔިތުންވެސް ވޯޓުލުމުގެ ހައްޤު ފުރިހަމައަށް އަދާކުރެއްވުމަށް ރައީސް އެދިވަޑައިގެންނެވިއެވެ. އެމަނިކުފާނު ވިދާޅުވީ، ވޯޓު ދިނުމުގެ ޙައްޤަކީ ޤާނޫނީ ގޮތުން ކޮންމެ މީހަކަށްވެސް ލިބިފައިވާ ވަރަށް ބޮޑު ޙައްޤެއް ކަމަށެވެ. އަދި މިހައްޤުގެ ބޭނުން އެންމެ ފުރިހަމަ ގޮތުގައި ހިފުމަށް އެމަނިކުފާނު އެދިވަޑައިގެންނެވިއެވެ.

މިއިންތިޚާބުގައި، 20 ވަނަ ރައްޔިތުންގެ މަޖިލީހަށް 93 ދާައިރާއަކުން 368 ކެނޑިޑޭޓުން ވާކުރެއެވެ. އިންތިޚާބުގައި ވޯޓުލުމަށް ޖުމުލަ 602 ވޯޓު ފޮށި ވަނީ ބަހައްޓާފައެވެ. މި އިންތިހާބުގައި 284،663 މީހުންނަށް ވޯޓުލުމުގެ ހައްޤުވަނީ ލިބިފައެވެ.

މިއިންތިޚާބުގައި، 20 ވަނަ ރައްޔިތުންގެ މަޖިލީހަށް 93 ދާައިރާއަކުން 368 ކެނޑިޑޭޓުން ވާކުރެއެވެ. އިންތިޚާބުގައި ވޯޓުލުމަށް ޖުމުލަ 602 ވޯޓު ފޮށި ވަނީ ބަހައްޓާފައެވެ. މި އިންތިހާބުގައި 284،663 މީހުންނަށް ވޯޓުލުމުގެ ހައްޤުވަނީ ލިބިފައެވެ.

މެންދުރު 11:00 އާއި ހަމައަށް، 70،949 މީހުން ވަނީ ވޯޓުލާފައެވެ.