މިއަދު ކުރިޔަށްދާ ރައްޔިތުންގެ މަޖިލީހުގެ އިންތިޚާބުގައި ފުރަތަމަ 2 ގަޑިއިރުގެ ތެރޭގައި 47000 ވުރެ ގިނަ މީހުން ވޯޓުލާފައިވާ ކަމުގައި އިލެކްޝަން ކޮމިޝަނުން ވިދާޅުވެއްޖެއެވެ.

ކޮމިޝަނުން ވިދާޅުވީ 10:00 އާއި ހަމައަށް، ޖުމުލަ 47،296 މީހުން ވޯޓުލާފައި ވާކަމަށެވެ. އެއީ 17885 އަންހެންނުނާއި، 29،411 ފިރިހެނުންނެވެ. އެހާތަނަށް ވޯޓުލާފައި ވަނީ ވޯޓުލުމުގެ ހައްޤު ލިބިފައިވާ މީހުންގެ 16 އިންސައްތަ މީހުންނެވެ.

ވޯޓުލާން ފެށިތާ ފުރަތަމަ އެއްގަޑި އިރުގެ ތެރޭގައި، 24703 މީހުން ވޯޓުލާފައި ވެއެވެ.

މިއިންތިޚާބުގައި، 20 ވަނަ ރައްޔިތުންގެ މަޖިލީހަށް 93 ދާައިރާއަކުން 368 ކެނޑިޑޭޓުން ވާކުރެއެވެ. އިންތިޚާބުގައި ވޯޓުލުމަށް ޖުމުލަ 602 ވޯޓު ފޮށި ވަނީ ބަހައްޓާފައެވެ. މި އިންތިހާބުގައި 284،663 މީހުންނަށް ވޯޓުލުމުގެ ހައްޤުވަނީ ލިބިފައެވެ.