މިއަދު އޮންނަ ރައްޔިތުންގެ މަޖިލީހުގެ އިންތިޚާބުގައި ފަހު ވަގުތު ވޯޓުަލައްވަން ވަޑައިގަންނަވާ ބޭފުޅުން ވޯޓުލާން ވަޑައިގަންނަވާއިރު ގެންގުޅުއްވާ ގަޑިއެއް ހަމަތޯ ޗެކްކުރެއްވުމަށްފަހު ވަަޑައިގެންނެވުމަށް ސަމާލުކަން ދެއްވުމަށް އިލެކްްޝަންސް ކޮމިޝަންގެ ރައީސް ފުވާދު ތައުފީޤު އެދިވަަޑައިގެންފިއެވެ.

ހޮނިހިރު ދުވަހުގެ ރޭ ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި އިލެކްޝަންސް ކޮމިޝަންގެ ރައީސް ފުވާދު ތައުފީޤު ވިދާޅުވީީ، ވޯޓުގެ ކިއު ބަންދުކުރުމަށް ހަމަޖައްސާފައިވާ ވަގުތަކީ 5:30 ކަމަށާއި އެންމެ މިނިޓެއް ލަސްވިޔަސް އެފަރާތަކަށް ވޯޓުލާން ފުރުޞަތު ލިބިވަޑައިނުގެންފާނެ ކަމަށެވެ. 

ފުވާދު ވިދާޅުވީ މައްސަލައެއް އުފެދެން ކޮމިޝަނުން ބޭނުން ނުވާ ކަމަށާއި އެހެންކަމުން ހުރިހާ ރައްޔިތުންވެސް މިކަމުގައި އެއްބާރުލުން ދެއްވުމަށް އެދިވަޑައިގަންނަވާ ކަމުގައި ފުވާދު ވިދާޅުވިއެވެ.

ފުވާދު ވިދާޅުވީ، މޫސުމް ގޯސްވިޔަސް. މިހާރު ކަނޑައަޅާފައިވާ ވަގުތައް ވުރެ އިތުރު ވަގުތެއް ދެވޭނޭ ގޮތެއް ނެތްކަމަށެވެ. އަދި އިލެކްޝަންސް ކޮމިޝަނުން ނިންމާފައި ވަނީ ރާއްޖޭގައި ހެނދުނު 8:00 އިން ފެށިގެން ހަވީރު 5:30އަށް ވޯޓުލުމުގެ ކަންކަން ކުރިޔަށް ގެންދިޔުމަށް ކަމުގައި ވެސް ފުވާދު ވިދާޅުވިއެވެ. މީގެ އިތުރުން 5:30 ވާއިރު ކިއޫއަށް އަރުއްވާފައި ތިއްބެވި ބޭފުޅުން ވޯޓުލައި ނިމެންދެން އެފޮއްޓެއް ވޯޓުލުން ކުރިޔަށް ގެންދާނެ ކަމުގައިވެސް ފުވާދު ވިދާޅުވިއެވެ.